Májilistiń taratylýy: Parlament fýntsııalaryn Senat atqarady
«Qazaqstan Respýblıkasy Konstıtýtsııasynyń 55-babynyń 5-tarmaǵyna sáıkes, Májilis ókilettigin merziminen buryn toqtatqan kezeńde, Senat Konstıtýtsııalyq zańdar men basqa da zańdardy qabyldaý jónindegi Parlamentiniń fýnktsııalaryn oryndaıdy. Elimizdiń tarıhynda mundaı jaǵdaılar bolǵan jáne Májilis depýtattary tarqaǵan kezeńde Senat Parlament rólin ýaqytsha atqaryp, zań shyǵarý mıssııasyn jalǵastyrady», - dedi Senattyń Konstıtýtsııalyq zańnama, sot júıesi jáne quqyq qorǵaý organdary komıtetiniń tóraǵasy Vladımır Volkov.
Aıta keteıik, Memleket basshysy Jetinshi saılanǵan QR Parlamentiniń Májilisin taratý jáne QR Parlamenti Májilisi depýtattarynyń kezekten tys saılaýyn taǵaıyndaý týraly Jarlyqqa qol qoıdy.
Májilis depýtattaryn kezekten tys saılaý 2023 jylǵy 19 naýryzǵa belgilendi.
QR Prezıdenti Qasym-Jomart Toqaev Parlament Májilisi jáne máslıhat depýtattarynyń kezekten tys saılaýyn taǵaıyndaý týraly málimdeme jasady.