Májiliste jumyskerlerdiń eńbekaqysyn tóleýde kemsitýshilikti boldyrmaýǵa qatysty qujat maquldandy

NUR-SULTAN. QazAqparat – Parlament Májilisiniń jalpy otyrysynda qaryz eńbekti retteý máselesi boıynsha ózgeristerdi qamtyǵan zań jobasy ekinshi oqylymda maquldandy, dep habarlaıdy QazAqparat tilshisi.

Aıta keteıik, bul qujat 14 qazanda Májilistiń jalpy otyrysynda birinshi oqylymda maquldanǵan bolatyn.

Zań jobasy arqyly:

Qaryzy bar jumyskerlerge qatysty eńbekaqy tóleý salasyndaǵy kemsitýshilikti boldyrmaýǵa;

aýyr jumystarda, eńbek jaǵdaılary zııandy, qaýipti jumystarda isteıtin qaryzdyq jumyskerlerge joǵarylatylǵan eńbekaqy tóleýge jáne olardyń aqyly qosymsha eńbek demalystarynyń uzaqtyǵyn saqtaýǵa;

sondaı-aq qaryzdyq jumyskerlerdi basqa da áleýmettik qoldaý sharalarymen qamtamasyz etýge qajetti quqyqtyq negiz jasalyp otyr.

«Zańnamada «qaryzdyq eńbek» termıniniń bolmaýyna baılanysty depýtattar zań jobasynyń ataýyn «Qazaqstan Respýblıkasynyń keıbir zańnamalyq aktilerine personal berý jónindegi qyzmetterdi kórsetý máseleleri boıynsha ózgerister men tolyqtyrýlar engizý týraly» dep ózgertýdi uıǵardy. Zań jobasynda 3 kodekske jáne 2 zańǵa ózgerister men tolyqtyrýlar engizý qarastyrylyp otyr», - dedi Májilim depýtaty Káribaı Musyrman.

Zań jobasyn talqylaý jónindegi jumys tobynyń 8 otyrysy, sondaı-aq bas Komıtettiń keńeıtilgen 2 otyrysy ótkizildi.