Májiliste joldardyń boıyndaǵy ormandy jerlerdi qorǵaýǵa qatysty usynys aıtyldy
«Memleket basshysy elimizdi aýqymdy túrde kógaldandyrý maqsatynda memlekettik orman qoryna 2 mıllıard aǵash otyrǵyzý mindetin qoıǵany málim. Bul baǵytta Ekologııa, geologııa jáne tabıǵı resýrstar mınıstrligi men oblys ákimdikteri baǵytynda bes jyldyq keshendi jospar bekitildi. Biraq, el aýmaǵynyń orman jamylǵysyn ulǵaıtý, jobalyq materıaldardy zerdeleý osy qujatta memlekettik orman qoryndaǵy orman alqaptaryn ulǵaıtý máseleleriniń barlyǵy birdeı tolyqtap kórinis tappaǵanyn kórsetedi. Bul, birinshi kezekte, memlekettik orman qorynyń quramyna kiretin «QTJ» UK» AQ jáne «Qazavtojol» UK» AQ qaramaǵyndaǵy halyqaralyq jáne respýblıkalyq mańyzy bar temirjol jáne avtomobıl joldary boıyndaǵy qorǵanysh ormandaryna qatysty. Taldaý nátıjesi kórsetkendeı, qorǵanysh orman ekpeleri shamamen 40-50 jyl buryn otyrǵyzylǵan. Sonyń saldarynan olar qorǵanysh fýnktsııalaryn joǵaltyp, kóptegen ekpeler álsiregen kúıge túsken, jer-jerde qýraǵan aǵashtar kóp kezdesedi. Bul rette kóp jyldar boıy osy ekpelerge rekonstrýktsııalaý júrgizilmegendikten, olardyń túri jupyny», - dedi A. Berdalın.
Onyń paıymynsha, memlekettik orman qory (MOQ) jerlerin utymdy paıdalaný jáne MOQ-qa kirmeıtin orman resýrstaryna uqypty qaraý da mańyzdy másele bolyp otyr.
«Qazirgi ýaqytta MOQ jeriniń jalpy aýdany shamamen 30 mln gektar quraıdy. Bul rette orman alqaptary bar bolǵany 18,3 mln gektar, al ormansyz alqaptar, onyń ishinde egistikter, shabyndyqtar, jaıylymdar jáne ózge de alqaptar 11,2 mln gektardy qamtıdy. Memlekettik orman qory jerleriniń qalyptasqan qurylymy ótken ǵasyrdyń 60-70 jyldary paıda boldy, sol kezde orman sharýashylyǵy mekemeleri kóp salaly bolǵan jáne kóbinese aýylsharýashylyq daqyldary men mal sharýashylyǵymen aınalysqan. Qazirgi ýaqytta ormansyz alqaptar durys paıdalanylmaıdy, al shabyndyqtar men jaıylymdardy paıdalanǵany úshin tólemaqydan oblystyq bıýdjetterge túsetin túsimder tym az», - dedi depýtat.
Onyń sózine qaraǵanda, elimizde júzdegen myń gektar tabıǵı jáne jasandy orman ekpeleri bar, olar esh jerde eskerilmegen, eshkimniń atyna bekitip berilmegen, sondaı-aq tıisinshe MOQ quramyna engizilmegen.
Joǵaryda aıtylǵandardy eskere otyryp, kelesi máselelerdi qarastyrýdy suraıdy:
1. «QTJ» UK» AQ jáne «Qazavtojol» UK» AQ bólimshelerine tıisti qarjy qarajatyn bóle otyryp, qorǵanysh orman ekpelerin rekonstrýktsııalaý jáne molyqtyrý arqyly kólik kommýnıkatsııalaryna irgeles aýmaqtardy abattandyrýǵa qatysýyn mindetteý;
2. Qolda bar orman alqaptaryn qorǵaý jáne jerdi paıdalaný tıimdiligin arttyrý úshin orman qory jerleriniń paıdalanylmaıtyn jerlerin aýyl sharýashylyǵy maqsatyndaǵy jerlerge berý múmkindigin qarastyrý;
3. Ýákiletti organǵa eldiń aýmaǵynda jerdiń basqa sanattaryndaǵy jerlerde ornalasqan tabıǵı jáne jasandy túrde otyrǵyzylǵan ekpeler ósetin mańyzdy ýchaskelerdi anyqtaý turǵysynan monıtorıng júrgizýdi, olardy keıinnen memlekettik orman qorynyń quramyna engizýdi tapsyrý.