Májiliste Ulttyq qordan balalarǵa tólem jasaýǵa qatysty qujat talqylanyp jatyr

ASTANA. QazAqparat – Májilistiń jalpy otyrysynda keıbir zańnamalyq aktilerge Ulttyq qordan balalarǵa tólem jasaý máseleleri boıynsha ózgerister men tolyqtyrýlar engizý týraly zań jobasy birinshi oqylymda talqylanyp jatyr, dep habarlaıdy QazAqparat tilshisi.

«Memleket basshysynyń tapsyrmasyn iske asyrý boıynsha múddeli memlekettik organdarmen birlesip, 2024 jyldan bastap «Ulttyq qor – balalarǵa» jobasyn iske qosýdyń negizgi tetikteri ázirlendi. Ázirlengen jobaǵa sáıkes Ulttyq qordyń ınvestıtsııalyq tabysynyń jartysyn jyl saıyn eki maqsatta paıdalaný úshin kámelet jasyna tolmaǵan balalarǵa teńdeı bólý usynylady. Birinshi – turǵyn úı jaǵdaılaryn jaqsartý nemese turǵyn úı satyp alý. Bul maqsatta qarajatty tek Qazaqstan aýmaǵynda paıdalanýǵa ruqsat etiledi», - dedi qujatty tanystyrǵan Zańnama jáne sot-quqyqtyq reforma komıtetiniń múshesi Únzıla Shapaq.

Onyń atap ótýinshe, ekinshiden, jınaqtalǵan qarajatqa bilim alýǵa boldy.

«Bul maqsatta balanyń el ishindegi oqý oryndarymen qatar sheteldik oqý ornynda da oqý aqysyn tóleýin shektemeý qajet dep paıymdaımyz. Bir sózben aıtqanda, bul kámeletke jańa tolǵan qazaqstandyqtardyń eresek ómirge qadam basqan kezinde bastapqy kapıtaldy alýǵa múmkindik beredi. ıAǵnı, dana babalarymyz «Balanyń ósken besigi – dúnıeniń keń esigi» demekshi, jas urpaqtyń dúnıe dıdaryn keńinen tanýyna jol ashylady. Halqymyzda «Balaly úırek kólden ketpes, balaly jas elden ketpes» degen dana tujyrym bar. Tıisinshe, Qazaqstan Respýblıkasynyń azamattyǵynan aıyrylǵan, joǵaltqan ne aýysqan kezde tólemderge talap qoıý quqyǵy da joǵalady», - dedi Májilis depýtaty.