Májiliste soltústik oblystardy gazdandyrýǵa qatysty usynystar aıtyldy
NUR-SULTAN. QazAqparat – Soltústik oblystardy gazdandyrý jónindegi normatıvtik erejelerge tıisti ózgerister engizý kerek. Bul týraly Májilistiń jalpy otyrysynda depýtat Jambyl Ahmetbekov málim etti, dep habarlaıdy QazAqparat tilshisi.
«Sońǵy jyldary elimiz boıynsha qarqyndy túrde júrgizilip jatqan gazdandyrý máselesi, halyqtyń áleýmettik jaǵdaıyn kóterýge áser etetin úlken de mańyzdy shara bolyp otyr. Májilistegi QHP fraktsııasyna belgili sarapshy-ǵalymdardan kelip túsken usynystarda keıbir normatıvtik qujattardaǵy gazdandyrýǵa kedergi keltirip otyrǵan qaıshylyqtardy ashyp berdi. Ǵalymdardyń pikirinshe, Qazaqstan Respýblıkasynyń Úkimetiniń 2020 jylǵy 24 qarashadaǵy sheshimine «Sary-Arqa» magıstraldyq gaz qubyrymen gaz jetkizý, soltústik oblystardy gazdandyrý jónindegi normatıvtik erejelerge tıisti ózgerister engizý qajettiligi týyndap otyr», - dedi depýtat Indýstrııa jáne ınfraqurylymdyq damý mınıstri Beıbit Atamqulovqa joldaǵan saýalynda.
Onyń aıtýynsha, elimizdiń soltústik oblystary men Nur-Sultan qalasynda aıaz –40 gradýsqa, keıde –50-ge jetedi. Al bul jaǵdaı qoldanystaǵy normalar men erejelerde eskerilmegen. Tájirıbe kórsetip otyrǵandaı, qysymdy rettegishterdi, gazdy esepke alý quraldaryn abonentke 2 satyly shema boıynsha ashyq jerde ornatyp berý ońtústik oblystardyń klımattyq jaǵdaılarynda ǵana qoldanýǵa bolady.
«Bul qujattardaǵy ónimder, gaz qysymyn rettegishter men gaz esepteýishter 2 satyly shemalyq ornatýǵa soltústik óńirlerdiń aıazyna shydamaıdy. Sebebi mundaǵy negizgi komponentter eýropalyq standarttar boıynsha jasalady, olar –25°c-ǵa deıin synaqtan óte alady. Sondyqtan osy ónimderdi ımportpen ákeletin óndirýshiler, bul ónimderdiń qatty aıazda jumys isteı alatyndyǵyna kepildik bermeıdi. Eger –35 jáne –40 gradýs aıaz bolsa, bul ónimder isten shyǵady. Qoldanystaǵy normatıvtik qujatqa ózgerister engizý qajettiliginiń mańyzdy bir faktory ekonomıkalyq qajettilikten týyndap otyr. 2 jáne 3 satyly shemalyq gaz taratý júıesiniń ártúrli nusqalaryna taldaý júrgizilgen kezde, qalalar men iri eldi mekender úshin 3 satyly shemasy neǵurlym tıimdi ekendigin kórip otyrmyz. ıAǵnı, ol gazdy abonentterge úıge kirgizip montajdaý degen sóz. Ókinishke qaraı, osy shemalaryn tańdaýdy retteıtin qoldanystaǵy normatıvtik qujattarda bir-birine qarama-qaıshy keletin tustary bar», - dep toqtaldy J. Ahmetbekov.
Osy aıtylǵandardy eskere otyryp, normatıvtik qujattarǵa engizýge mynalar usynyldy:
1. Jeke tulǵalardy gaz qubyrlaryna qosýǵa arnalǵan tehnıkalyq sharttardy jasasý kezinde, bul qyzmettiń qunyn jobada aldyn ala eskerý jáne ony barynsha ońtaılandyrý;
2. «Aqyldy eseptegishterdi» satyp alýdy, montajdaýdy jobalyq sheshimderge engizýdi «Tsıfrlyq Qazaqstan» memlekettik baǵdarlamasynyń aýqymyna engizý jáne olardyń qunynyń sıpattamalaryn birizdendirý;
3. Halyqqa túsetin qarjylyq júktemeni azaıtý úshin «aqyldy eseptegishterdi» satyp alýǵa jáne ornatýǵa arnalǵan shyǵyndardy tapsyrys berýshiniń qarajaty esebine jatqyzý.