Májiliste qıyn ómir jaǵdaıyndaǵy balalarǵa arnaýly áleýmettik qyzmetterdi usyný júıesi talqylandy
Onda depýtattar «Qıyn ómir jaǵdaıyndaǵy balalar men jastar úshin arnaýly áleýmettik qyzmetterdi usyný júıesin ózgertý úshin jaǵdaılar jasaý» máselesin talqylady. Atalǵan problemany parlamenttik deńgeıge «Namys» qoǵamdyq birlestigi kótergen bolatyn.
«Namys» qoǵamdyq birlestiginiń tóraǵasy Qaırat Imanálıevtiń aıtýynsha, qıyn ómir jaǵdaıyndaǵy balalar men jastar úshin arnaýly áleýmettik qyzmetterdi usyný júıesi osydan bes jyl buryn qabyldanǵan zańnama aıasynda retteledi.
«Bul zań jobasynda taǵdyry qıyn balalarǵa usynylatyn arnaýly áleýmettik qyzmetter, olardyń sanattary, uǵymdaryn naqtylaý sekildi máseleler qamtyldy. Degenmen, osy bes jyl ishinde zańnamaǵa túzetý engizetin ýaqyt jetti. Óıtkeni, zańnamada arnaýly kómekterge qatysty quzyreti aıqyndalǵan biregeı organ naqty aıqyndalmaǵan. Osynyń saldarynan vedomstvolar arasynda birqatar kelispeýshilikter de týyndap jatady», - deıdi Q. Imanálıev. Onyń aıtýynsha, bes jyl buryn qabyldanǵan standarttar da óz ózektiligin joǵalta bastaǵan. Sondyqtan da, Qazaqstannyń úkimettik emes uıymdary jańa zańnamanyń qajettigin alǵa tartady.
«Endigi bir ózektisi, qıyn ómir jaǵdaıyna qalǵan balalar úshin arnaýly áleýmettik kómekter usynýǵa qatysty arnaıy organdar men jeke bıznesti uıymdastyrý máseleleri. Eger muqııat qarastyrsaq, 14 oblysty quraıtyn Qazaqstan úshin 30-40 úkimettik emes uıym degenińiz túkke turmaıdy. ıAǵnı, bizdiń elimizde arnaýly kómekter usyný boıynsha basqa damyǵan elderdegideı tájirıbeler júzege aspaı otyr. Álbette Qazaqstannyń múmkindigi zor, biraq ony tıisti dárejede qolǵa almaı otyrmyz», - deıdi Q. Imanálıev.
Soǵan oraı qoǵamdyq birlestik ókilderi birqatar usynystardy alǵa tartady. «Eń aldymen, arnaýly áleýmettik qyzmetterdi usynatyn organdy naqty aıqyndap, quzyretin bekitý. Ekinshiden, vedomstvoaralyq ózara is-qımyldardy naqtylap, standarttardy qaıta qarastyrý kerek», - deıdi birlestik tóraǵasy.