Májiliste Qazaqstan halqy Assambleıasy depýtattyq toby Elbasy tapsyrmasynyń oryndalýyn talqylady

ASTANA. QazAqparat - Búgin QR Parlamenti Májilisinde Qazaqstan halqy Assambleıasy depýtattyq tobynyń otyrysy ótti. Onda Elbasy Nursultan Nazarbaevtyń Kún tártibinde QHA sessııasynda bergen tapsyrmalarynyń oryndalý barysy qaraldy.

Atap aıtqanda, Memleket basshysy óńirlerdegi Qazaqstan halqy Assambleıasy qurylymdarynyń jumystaryn jetildirý máselesin júktegen bolatyn. Osyǵan oraı, «Nur Otan» partııasy fraktsııasynyń múshesi, depýtat Vıktor Kııanskıı baıandama jasady. Onyń aıtýynsha, Elbasynyń eýrazııalyq ıntegratsııa ıdeıasy da biregeı.

«Bizdiń Prezıdent eýrazııalyq ekonomıkalyq odaq ıdeıasynyń bastamashysy ǵana emes, búgingi zamannyń eýrazııalyq damýynyń, sondaı-aq Qazaqstan halqy Assambleıasy sekildi biregeı ınstıýttyń avtory. Dál osy úshtuǵyrly dúnıeni biz qashanda aıtyp júrýge tıispiz. Óıtkeni, Qazaqstan halqy Assambleıasy bizdiń elimizdiń ishki birligin bildirse, Eýrazııalyq ekonomıkalyq odaq bul bizdiń eýrazııalyq keńistiktegi barlyq shekaralyq máselelerdegi úndestigimizdi bildiredi», - dedi depýtat V. Kııanskıı.

Budan bólek, Parlamenttegi partııa fraktsııalarynyń birlesken jumysy jaıynda Qazaqstan halyq kommýnısteri partııasy Ortalyq komıtetiniń hatshysy Aıqyn Qońyrov ultaralyq saıasatynyń negizgi tetigi týraly áńgimeledi.