Májiliste ǵarysh salasyn damytýǵa jaǵdaı jasaýǵa baǵyttalǵan zań jobasy tanystyryldy
Investıtsııa jáne damý mınıstriniń orynbasary Albert Raýdyń aıtýynsha, zań jobasyn Qazaqstannyń álemniń eń damyǵan 30 memleketiniń qataryna kirýi tujyrymdamasynda Elbasy alǵa qoıǵan el ekonomıkasy salalarynyń álemdik naryqtaǵy básekege qabilettiligin arttyrý jónindegi mindettermen negizdeledi.
Aıta keterligi, búgingi kúni elimizde baılanys pen habar taratýdyń, Jerdi qashyqtyqtan zondtaýdyń jáne spýtnıktik navıgatsııanyń ǵaryshtyq júıelerin, ǵarysh apparattarynyń qurastyrý-synaý keshenin qurý jumystary qolǵa alynǵan. Ǵaryshtyq júıelerdi qurý jáne paıdalaný tutynýshylardy joǵary sapaly spýtnıktik tele jáne radıohabar taratý baılanysymen, Jerdi qashyqtyqtan zondtaý, dáldigi joǵary spýtnıktik navıgatsııa qyzmetterimen qamtamasyz etýge jáne telekommýnıkatsııa, aýyl sharýashylyǵy, temirjol jáne avtomobıl kóligi, jer resýrstaryn basqarý, geodezııa, kartografııa jáne energetıka sııaqty salalarda Qazaqstan Respýblıkasynyń básekege qabilettiligin arttyrýǵa, sondaı-aq sheteldik tapsyrys berýshilerge ǵaryshtyq qyzmetter kórsetý múmkindikterine yqpal etýge tıis.
Osyǵan baılanysty zań jobasynyń negizgi ıdeıasy men túpkilikti oıy qurylǵan ǵarysh ınfraqurylymyna jaǵdaı jasaý jáne tıimdi paıdalanýdyń, ǵarysh qyzmetiniń nátıjelerin jáne ǵarysh tehnologııalaryn tabıǵı jáne tehnogendi sıpattaǵy tótenshe jaǵdaılar monıtorıngi men onyń aldyn alýda, qorshaǵan ortaǵa, geodezııa men kartografııa, aýyl sharýashylyǵy, baılanys, aqparattandyrý men aqparattarǵa jáne el ekonomıkasynyń basqa da salalaryna praktıkalyq engizýdiń quqyqtyq tetigin jasaý bolyp tabylady.
Qoıylǵan mindetterge qol jetkizý úshin azamattyq-quqyqtyq qatynastardy qozǵaıtyn birqatar zańnamalyq aktilerin ózgertý talap etiledi.
Tutastaı alǵanda, usynylyp otyrǵan ózgerister men tolyqtyrýlar Qazaqstanǵa ekonomıka men kásipkerlik sýbektileriniń básekege qabilettiligin jáne onyń saldary retinde otandyq taýarlardyń, jumys pen qyzmet kórsetýlerdiń básekege qabilettiligin arttyrýǵa yqpal etetin ǵarysh salasynyń tolyqqandy ınfraqurylymyn qalyptastyrýǵa jaqyndaýyna múmkindik beredi. Budan basqa, 97 mlrd. teńgeden astam somaǵa memleket qurǵan aktıvter tıimdi paıdalanylatyn jáne jumys jaǵdaıynda ustalatyn bolady.