Májiliste BAÁ-den 6 mlrd dollar ınvestıtsııa tartýǵa baǵyttalǵan zań jobasy tanystyryldy

NUR-SULTAN. QazAqparat – QR Parlamenti Májilisinde «QR Úkimeti men Birikken Arab Ámirlikteri úkimetiniń basym salalardaǵy jobalardy damytý úshin uzaqmerzimdi strategııalyq áriptestik qurý týraly birlesken deklaratsııasyn ratıfıkatsııalaý týraly» zań jobasy tanystyryldy, dep habarlaıdy QazAqparat tilshisi.

Qujat jobasyn QR Ulttyq ekonomıka vıtse-mınıstri Álisher Ábdiqadyrov tanystyrdy.

Zań jobasyndaǵy shetel ınvestıtsııasy tartylatyn basym baǵyttar retinde energetıka, kólik-logıstıka, qarjy, aýyl sharýashylyǵy jáne farmatsevtıka salalary tańdap alynǵan.

«Úkimettiń basty mindetteriniń biri elgen ınvestıtsııa tartý ekenin bilesizder. Deklaratsııa bizge Birikken Arab Ámirlikteriniń iri kompanııalarynan 6 mlrd dollardan astam tikeleı sheteldik ınvestıtsııa tartýǵa múmkindik beredi. Negizinen energetıkalyq ınfraqurylym salýǵa tartylady. BAÁ tarapynan «Abý-Dabı» egemendi qory - ADQ, sondaı-aq, aktıvteriniń jıyntyq somasy 215 mlrd dollardan asatyn TAQA ulttyq energetıkalyq kompanııasy áriptes bolady. Bul kompanııanyń álemdegi 11-den astam elde ınvestıtsııalyq jáne basqarý tájirıbesi bar», - dep bastady sózin vıtse-mınıstr.

Aıtýynsha, osy deklaratsııa aıasynda Qazaqstannyń energetıka júıesin kómirtegi beıtaraptyǵyna beıimdeıtin birlesken kontsortsıým qurylmaq.

«Deklaratsııanyń negizgi mindetiniń biri – ADQ arab qorynyń úlesi 51 paıyz bolatyn, «Samuryq-Qazynanyń» úlesi 49 paıyz bolatyn birlesken energetıkalyq kontsortsıým qurý. Holdıngtiń maqsaty Qazaqstannyń elektr energetıkasy ınfraqurylymyn jańǵyrtyp, jańa nysandar salý bolmaq. Árıne, holdıng jumysynyń nátıjesi eldiń energetıka óndirisindegi jańǵyrtylatyn enegrııanyń úlesin qazirgi 3 paıyzdan 2025 jylǵa qaraı 6 paıyzǵa deıin arttyrý bolady. Sondaı-aq, qoldanystaǵy elektr stansalaryn jańǵyrtý arqyly aýaǵa tastalatyn zııandy zattardyń úlesin azaıtý kózdelgen. Deklaratsııany iske asyrý 2060 jylǵa qaraı kómirtegi beıtaraptyǵyna qol jetkizý mindetin iske asryýǵa eleýli úles qosady», - dedi Álisher Ábdiqadyrov.

Onyń málimeti boıynsha deklratsııa aıasynda Qazaqstan tarapyna mynadaı mindettemeler júktelmek:

- Jańartylatyn energııa kózderi boıynsha offteık-kelisimsharttar bekitý;

- Qajetti ınjenerlik ınfraqurylym tóseý;

- Jobalardy júzege asyrý úshin jalǵa jer telimderin usyný;

- Energetıka, qurylys salalarynda halyqaralyq retteý standarttaryn engizý;

Al BAÁ tarapynyń mindetteri:

- Strategııalyq jobalarǵa jeńildik sharttarymen ınvestıtsııa tartý;

- Ekonomıkanyń negizgi salalarynda jetekshi halyqaralyq tehnologııalardy tartyp, iske qosý;

«Deklaratsııa myna salalar boıynsha da jobalardy iske asyrýdy kózdeıdi:

Birinshi – 50 mln dollarǵa usaq mal ósiretin ferma qurý. Sonyń negizinde jyl saıyn 8 myń tonna qoı etin óndirý qajet. Óndirilgen ettiń negizgi bóligi BAÁ- ge eksporttaý josparlanǵan.

Ekinshi – 24 kóterme-taratý ortalyǵynyń jelisin damytýǵa 28 mln dollar ınvestıtsııa tartý, ADQ jáne «Qazyna Kapıtal Menedjment» arasynda kapıtal mólsheri 100 mln dollar bolatyn venchýrlyq qor qurý. Sondaı-aq, farmatsevtıka salasyndaǵy yntymaqtastyq ornatýǵa bolady», - dedi Ulttyq ekonomıka mınıstriniń orynbasary.

Zań jobasynyń tanystyrylymyna Májilis depýtattarymen birge «Atameken» ulttyq kásipkerler palatasynyń ókilderi, múddeli mınıstrlikterdiń basshylary, qoǵamdyq uıymdar men parlamenttik emes saıası partııa músheleri qatysty.

Májilis ókilderi zań jobasynda eki taraptyń mindeti men quqyǵy týraly málimetter naqtylanbaǵanyn, qarjylyq esepter tolyq saraptalmaǵanyn alǵa tartyp, qujatty qaıta pysyqtap usynýdy surady.

Talqylaý barysynda tolyqqandy jaýap berilmegen máseleler boıynsha naqty jaýap bolǵan kezde ǵana deklaratsııany ratıfıkatsııalaý máselesi qaralady.