Májiliste aýylǵa bilikti mamandardy daıarlaýǵa qatysty másele kóterildi
«Memleket basshysy «Syndarly qoǵamdyq dıalog – Qazaqstannyń turaqtylyǵy men órkendeýiniń negizi» atty Qazaqstan halqyna Joldaýynda bilim berý sapasyn arttyrý máselesinde qalalyq jáne aýyldyq mektepter arasyndaǵy orta bilim sapasyndaǵy alshaqtyqtyń óskenin jáne jyl saıyn
21 myńǵa jýyq mektep túlekteriniń kásibı ári joǵary oqý oryndaryna túse almaıtynyn erekshe atap ótti. Nátıjesinde, jastardyń bul sanaty jumyssyzdar men margınaldardyń qataryn tolyqtyrady. Olardyń kópshiligi krımınaldyq jáne ekstremıstik toptardyń yqpalyna túsedi. Bul problemany sheshý joldarynyń biri aýyl jastaryn aldaǵy ýaqytta aýyldyq jerlerde jumys isteýge múmkindik berý úshin bilim alýǵa tartý bolyp otyr», - dedi N. Bıjanova QR Premer-Mınıstriniń orynbasary
Eraly Toǵjanovtyń atyna joldaǵan saýalynda.
Onyń aıtýynsha, qazirgi ýaqytta «Aýyl sharýashylyǵy jáne bıoresýrstar» ári «Veterınarııa» baǵyttary boıynsha stýdentterdi qabyldaýdy konkýrs nátıjesinde memlekettik bilim berý tapsyrysy ornalastyratyn barlyq joǵary jáne joǵary oqý ornynan keıingi bilim berý uıymdary iske asyrady. Osylaısha, mamandardy daıarlaýdy beıindi emes ýnıversıtetter júzege asyrady, bul bilim sapasyna aıtarlyqtaı áser etedi.
«Biz osy baǵyttar boıynsha bólinetin memlekettik tapsyrysty joǵary jáne joǵary oqý ornynan keıingi, beıindi bilim berý uıymdarynyń arasynda ǵana kvotalaý múmkindigin qarastyrýdy usynamyz. Nysanaly oryndarǵa ıe bola otyryp, joǵary oqý oryndary maqsatty jáne aldyn ala kásiptik baǵdar berý jumysymen aınalysa alady jáne aýylda jumysqa ornalasý perspektıvasymen dál osy múddeli jastardy qabyldaı alady. Sondaı-aq, Memleket basshysy ǵylymdaǵy ahýal erekshe nazar aýdarýdy talap etetinin atap ótti. Onsyz biz ulttyń ilgerleýin qamtamasyz ete almaımyz. Ǵylymı zertteýler deńgeıiniń problemasyn sheshýge jáne olardy praktıkada qoldanýǵa basa nazar aýdaratyn kez keldi», - dedi depýtat.
Onyń sóizne qaraǵanda, ǵylymnyń tómen sapasy men tıimdiligin magıstrantty daıarlaýǵa arnalǵan jyldyq shyǵystardy qarjylandyrý jónindegi tásilderge súıene otyryp baǵalaýǵa bolady. Qazirgi ýaqytta 1 magıstrantty daıarlaýǵa arnalǵan jyldyq shyǵystar joǵary bilimi bar 1 mamandy daıarlaýǵa arnalǵan jyldyq shyǵystardan tómen, degenmen, dál osy magıstratýrada jas ǵalymda zertteýshiniń daǵdylary qalyptasady.
«Erekshe mártebesi joq joǵary oqý oryndarynda magıstratýra boıynsha memlekettik bilim berý tapsyrysyn qarjylandyrý mólsheri erekshe mártebesi bar joǵary oqý oryndaryna qaraǵanda 65%-ǵa tómen.
Bul tómendetý múldem negizdelmegen jáne magıstrlerdi daıarlaý sapasyna qatty áser etedi. Nátıjesinde, biz jastar arasyndaǵy yqtımal ǵylymı áleýetti de, bıýdjet qarajatyn da joǵaltamyz. Joǵaryda aıtylǵandardy eskere otyryp, QR Úkimetiniń 2021 jylǵy 20 sáýirdegi №253 qaýlysyna ózgerister engizýdi, onda erekshe mártebesi joq joǵary jáne joǵary oqý ornynan keıingi bilim berý uıymdary úshin magıstranttardy oqytýǵa jumsalatyn ortasha shyǵystardy qaıta qarap, olardy erekshe mártebesi bar joǵary oqý oryndarynyń magıstranttary deńgeıine deıin arttyrýdy usynamyz», - dedi G. Bıjanova.