Májiliste ataýly áleýmettik kómek kólemin arttyrý usynyldy
«Atap aıtqanda, otbasylardyń jaǵdaıy birdeı emes, bir jerde ata-ana balalaryn barlyq qajettiliktermen qamtamasyz ete alsa, endi bir jerde ondaı múmkindik joq. Keminde 625 myń, demek árbir onynshy bala az qamtylǵan otbasynda turyp jatyr. Bundaı otbasyny qoldaýdyń bir túri - ataýly áleýmettik kómek (AÁK). Alaıda onyń mólsheri tipti qarapaıym qajettilikterdi qamtamasyz etýge jetpeıdi. Mysaly, jan basyna shaqqandaǵy tabysy kedeılik sheginen tómen 6 adamnan turatyn otbasyna beriletin AÁK 7 myń teńgedeı ǵana», - dedi D. Zákıeva Úkimet basshysynyń orynbasary Eraly Toǵjanovtyń atyna joldaǵan saýalynda.
Onyń aıtýynsha, kómekke muqtaj balany nemese otbasyn ózdiginen anyqtap, kómek kórsetýdiń ornyna, jumys tek kelip túsken ótinishpen júrgizilip jatyr. Memlekettik baǵdarlamalar týraly múldem estimegen, qandaı quqyqtarynyń bar ekendigin bilmeıtin, qujattary joq bolǵan soń qarapaıym qyzmetter men kómek túrlerin ala almaı júrgen 200-den astam otbasy anyqtaldy.
«Eshqashan mektepke barmaǵan 10-13 jastaǵy balalardy, aýrýlary baryna qaramastan, týǵannan beri eshqandaı medıtsınalyq tekserýden ótpegen balalardy kórdik. Bul otbasylar týraly ýchaskelik qyzmetter ákimdikterdi habardar etse de, olar adam shoshyrlyq jaǵdaıda ómir súrýlerin jalǵastyrǵan. Búginde 1 mln 145 myń otbasy daǵdarys jaǵdaıynda, al qolaısyz jaǵdaıda dep esepte turǵan otbasylarda 12 myń bala tárbıelenip jatyr. Nátıjesinde, áleýmettik máselelerdiń sheshilmeýi kóbinese bala quqyqtarynyń buzylýy men qaıǵyly saldarlarǵa, ıaǵnı balalar úıine túsýine jáne zorlyq-zombylyqqa ákep soǵady», - dedi depýtat.
«Munyń sebebi nede? Fýnktsıonaldyq taldaýymyz kórsetkendeı, otbasy jáne bala quqyqtaryn buzýdyń aldyn alý máseleleri nemquraıly, ári sońǵy kezekte qaralyp júr. Kámeletke tolmaǵandardyń isteri jónindegi komıssııanyń jumysy kóp jaǵdaıda tek formaldy túrde ǵana. Komıssııa músheleriniń jumystyń kóptiginen otbasylarǵa baratyn ýaqyty joq. Al úılestirý men baqylaý qyzmeti bir ǵana hatshyǵa júktelgen», - dedi ol.
Búgingi tańda ókiletti organdar Balalar jylyna arnalǵan is-sharalar josparyn ázirleýde. Oǵan depýtattar kelesi tarmaqtardy qosýdy usynady:
1. Turmysy tómen otbasylardyń balalaryn qoldaýdyń tıimdiligin arttyrý úshin AÁK-ti ár balaǵa kúnkóris mınımýmyna deıin arttyrý. ıAǵnı 1 balaǵa 36 myń teńge. Bul úshin qosymsha 225 mlrd teńge kerek.
2. Eldi mekenderde otbasyna keshendi túrde kómektesý jáne bala quqyqtary buzylýynyń aldyn alý jónindegi ókiletti organdar arasynda jumysty úılestirip otyratyn jáne tıimdi ózara is-qımyldy qamtamasyz etetin Otbasy, jastar jáne balalar isteri jónindegi derbes basqarma qurý.
3. Strategııalyq qujattarda kórsetilgen otbasy ınstıtýtyn nyǵaıtý, otbasylyq qolaısyzdyqtyń, turmystyq zorlyq-zombylyqtyń jáne balalarǵa qatygez qaraýdyń aldyn alý jónindegi nysanaly ındıkatorlardy óńirlerdiń Aýmaqty damytý josparlaryna engizý.