Májiliste Arqalyq qalasyn jylýmen jabdyqtaý júıesindegi problema kóterildi

ASTANA. QazAqparat – Búgin Májilistiń jalpy otyrysynda jylýmen jabdyqtaý salasyndaǵy aýdıtorlyq is-sharanyń qorytyndysyn talqylaý kezinde Joǵary aýdıtorlyq palata tóraǵasy Natalıa Godýnova Arqalyqtaǵy máseleni kóterdi, dep habarlaıdy QazAqparat tilshisi.

«Qostanaı oblysynyń Arqalyq qalasynda tapsyrys berýshi Turǵyn-úı kommýnaldyq sharýashylyǵy bólimi tolyq daıyn bolmasa da, jalpy somasy 7,4 mlrd teńge bolatyn eki jobany qabyldaǵan. Onyń biri «Arqalyq qalasyn 2030 jylǵa deıin jylýmen jabdyqtaý júıesin rekonstrýktsııalaý» jobasy bolsa, ekinshisi - qýaty 2,5 MVt №2 stantsııanyń týrboagregatyn aýystyrý bóliginde Arqalyq JEO-syn rekonstrýktsııalaý. Nátıjesinde Arqalyq jylý elektr ortalyǵyna qatysty jumystar tek qaǵaz júzinde iske asyrylǵan», - dedi N. Godýnova.

Palata basshysy elimizde bul saladaǵy júıeli problemalar boıynsha Úkimetke usynymdar ázirlendi. 22 materıal quqyq qorǵaý organdaryna berilýi tıis, qazirgi kezde 16 materıal tapsyryldy. Al 361 materıal ákimshilik sharalar qabyldaý úshin joldandy.

Budan buryn habarlanǵandaı, Joǵary aýdıtorlyq palata jylý energetıka salasynda ınvestıtsııalyq jobalar sapasyz iske asyrylyp jatqanyn anyqtady.

Astanadaǵy JEO-3 qurylysyna qatysty aýdıt kezinde ákimdik derekteri sáıkes kelmeıtini belgili boldy.

Sonymen qatar, Joǵary aýdıtorlyq palata jylýmen jabdyqtaý salasynda qarajatty tıimsiz ıgerý derekterin anyqtady.

Jylý berý salasyndaǵy memlekettik retteý birneshe memlekettik organǵa júktelgendikten, jylý energetıkasyn damytýda júıeli tásil joq.