Májiliste «Adam saýdasyna qarsy is-qımyl týraly» zań jobasy talqylandy

ASTANA. QazAqparat – Іshki ister mınıstriniń orynbasary Erjan Sadenov Májilistiń zańnama jáne sot-quqyqtyq reforma komıtetine «Qazaqstan Respýblıkasyndaǵy adam saýdasyna qarsy is-qımyl týraly» zań jobasyn tanystyrdy, dep habarlaıdy QazAqparat.

«Zań jobasy 6 taraý men 22 baptan turady. Buǵan deıin «adam saýdasynyń qurbany», «adam saýdasynyń yqtımal qurbany», «osal jaǵdaı, adam saýdasyna qarsy is-qımyl sýbektileri» jáne ózge de uǵymdar zańnama deńgeıinde bekitilmegen edi», - dedi mınıstrdiń orynbasary.

Zań jobasynda adam saýdasyna tap bolǵan adamnyń azamattyǵyna qaramastan qorǵaýǵa alynyp, is aıaqtalǵansha búkil quqyǵyn saqtaýǵa kepildik beriletini naqtylanǵan.

Sondaı-aq, adam saýdasynyń aldyn alý úshin yqtımal qurbandarmen jumysty kúsheıtýge baǵyttalǵan sharalar kózdelgen.