Májilismender Qordaıda zardap shekkenderge bir kúndik jalaqysyn aýdardy

NUR-SULTAN. QazAqparat - Palata Spıkeri Nurlan Nyǵmatýlınniń tóraǵalyǵymen Májilis Bıýrosy bir kúndik eńbek jalaqyny Jambyl oblysy Qordaı aýdanynda bolǵan qaıǵyly jaǵdaı saldarynan zardap shekken turǵyndarǵa kómek kórsetý úshin aýdarý týraly Qaýly qabyldady.

Bul týraly QR Parlamenti Májilisiniń baspasóz qyzmeti habarlady.

Qarjy aýdan turǵyndarynyń tirshiligin, búlingen úılerdi, ınfraqurylymdardy qalpyna keltirýge jumsalady.

Májilistiń bir top depýtaty qazirgi ýaqytta Qazaqstan Prezıdentiniń tapsyrmasymen qurylǵan úkimettik komıssııamen birge Qordaı aýdanynda jumys isteýde.