Májilismen Roman Kım Qazaqstan koreıleri assotsıatsııasynyń prezıdenti bolyp qaıtadan saılandy
Sezge respýblıkanyń barlyq óńirlerinen 80-nen astam deleget keldi. R. Kım QazAqparat tilshisine bergen suhbatynda, sezde sondaı-aq assotsıatsııanyń ortalyq keńsesin Almatydan Astanaǵa kóshirý máselesiniń sheshilgendigin aıtty.
Sezdiń resmı bóliminen keıin M. Gorkıı atyndaǵy orys drama teatrynda koreı ánderiniń respýblıkalyq festıvaliniń gala kontserti bolyp, oǵan Qazaqstannyń barlyq oblystarynan kelgen koreıshe án oryndaý sheberleri qatysty.
«Biz Qazaqstanda birden birneshe úlken merekelerdi atap ótpekpiz. Birinshiden, bıyl Qazaqstanǵa koreı dıasporasynyń qonystanýyna 75 jyl tolyp otyr. Sondaı-aq, Qazaqstan men Ońtústik Koreıa arasyndaǵy dıplomatııalyq qarym-qatynastardyń ornatylǵanyna 20 jyl toldy. Jáne de bir atap óterligi, Koreı eliniń syrtynda ornalasqan jalǵyz Koreı memlekettik teatrynyń 80 jyldyǵy. Biz úshin bulardyń barlyǵy úlken mereke», - dedi R. Kım.