Májilismen M.Tinikeevtiń syny «Samuryq-Qazyna» qory qarjy dırektorynyń kóńiline kirbiń túsirdi
«Tinikeev myrzaǵa BAQ arqyly sóz arnaımyn. Ol birshama tómen jalaqyǵa jumys isteıtin adamdar taýyp beretindigin aıtqan bolatyn. Muhtar, ótinemin, adamdardy meniń departamentimniń býhgalterııasyna ákelshi. Biraq, olar táýelsiz qor úshin talap etiletin biliktilikterge saı bolýy tıis. Eger, olar tómen jalaqyǵa kelisetin bolsa, onda men olardy jumysqa alamyn. «Paıdasyz» adamdar jumys isteıdi dep aıtý ońaı. Al biz búginde nátıjesin kórip otyrmyz ǵoı. Men óz blogymnyń osy ýaqytta atqarǵan jumystaryn maqtan tutamyn. Meniń adamdarymdy «paıdasyz» degen kezde kóńilime kirbiń túsedi», - dedi ol.
Sonymen qatar ol depýtat M.Tinikeevtiń aıtqan sózderine qatysty túsinik bere otyryp, búginde «Samuryq-Qazyna» qyzmetkerleriniń birtalaı qyzmetkeri naryqtaǵy deńgeıden birshama tómen jalaqy alatyndyǵyn atap ótti.
«Jalaqy máselesi - men úshin óte aýyr jaıt. Birqatar qyzmetkerdi ustap tura almaı qalǵan jaıttar da oryn alǵan edi. Al ózimniń jalaqyma qatysty aıtar bolsam, sońǵy 6 jyl boıy ol ózgergen joq. Men qordyń qarjy dırektorymyn. Osy 6 jyldyń ishinde aktsıonerlerdiń ál-aýqaty 3 trln. teńgege artty. Kompanııanyń menshikti kapıtalynyń jartysy men jumys istegen kezeńde paıda boldy. Meniń shynaıy jalaqym 1,5 esege qysqardy. Buǵan qosa, shaǵyn kompanııalardyń qarjy dırektorlarynan birshama tómen jalaqy alamyn. Tabıǵattyń obektıvti zańy bar: eger men munan da joǵary jalaqy alýǵa tıis bolsam, onda men ony alýǵa tıispin. Eger men ony almasam, onda men qordan ketemin ári men ony júzege asyram da», - dedi N.Rahmetov.
Aıta keteıik, buǵan deıin depýtat M.Tinikeev Májilistiń jalpy otyrysynda «paıdasyz» qyzmetkerler sanyn qysqartý qajet dep bastama kótergen bolatyn. Onyń atap ótýinshe, ulttyq kompanııalarda «Bolashaq» túlekteri men jaqyn tanystary jumys isteıdi ári joǵary jalaqy alady. Osy rette depýtat barynsha tómen jalaqyǵa tıimdi jumys isteı alatyn onnan astam aqyldy adamdy taýyp bere alatyndyǵyn aıtqan edi.