Májilis jastardy saıasatqa belsendi tartýǵa negizdelgen zań jobasyn maquldady
«Qazaqstan Respýblıkasyndaǵy saılaý týraly» Konstıtýtsııalyq zańyna tolyqtyrýlar engizý týraly» Konstıtýtsııalyq zańynyń jobasy Prezıdenttiń Ulttyq qoǵamdyq senim keńesiniń ekinshi otyrysynda bergen tapsyrmasyn iske asyrý maqsatynda ázirlendi.
Zań jobasymen partııalyq saılaý tizimderinde áıelder men jastar úshin 30 paıyz kvotany qarastyrý usynylady. Osy maqsatta, Saılaý týraly Konstıtýtsııalyq zańda áıelder men jastarǵa arnalǵan kvotalardy partııalyq tizimge engizý týraly talap qoıylatyn bolady», - dedi Ádilet mınıstri Marat Beketaev.
Onyń sózine qaraǵanda, búgingi tańda álemdegi memleketterdiń basym bóligi áıelder men jastardyń saılaý protsesine teń qoljetimdiligine kepildik berý úshin qajetti sharalar qabyldaýda. Partııalyq genderlik kvotalar Eýropa elderinde qoldanylady jáne osyndaı erejeler Germanııa, Norvegııa, Frantsııa jáne Belgııada keńinen taralyp, olar saılaý týraly zań deńgeıinde bekitilgen.
«Osyǵan oraı, halyqaralyq tájirıbe aıasynda usynylyp otyrǵan jańa normalar áıelderdi eldiń qoǵamdyq-saıası protsesterine belsendi tartýǵa múmkindik beredi. Sonymen qatar, Memleket basshysy atap ótkendeı, biz jastardyń Parlamentke jáne jergilikti ókiletti organdaryna kelýine yqpal etýge tıispiz. Osy bóliktegi zańnamalyq túzetýler, qoǵamdyq-áleýmettik problemalardy sheshý úshin qabiletti jastardy da saıasatqa belsendi tartýǵa múmkindik beretin bolady», - dedi mınıstr.