Májilis janynan sarapshylardyń Qoǵamdyq palatasy jumys isteıdi

ULYTAÝ. QazAqparat – Májilis janynan ártúrli ustanymy bar saıası uıymdar ókilderin, sarapshylar men qoǵam belsendilerin qatystyratyn Qoǵamdyq palata óz jumysyn bastamaq. Bul týraly Ulytaý oblysynda ótip jatqan Ulttyq quryltaıdyń otyrysynda Májilis tóraǵasy Erlan Qoshanov aıtty, dep habarlaıdy QazAqparat tilshisi.

«Ulttyq quryltaı – ultty uıystyratyn ulyq alań. Quryltaıda kóteriletin barlyq máseleler halyq, qoǵam ishinen shyǵyp jatýy shart. Jurtty alańdatqan, qarapaıym halyqtyń janyna batqan árbir keshendi másele eń aldymen aýdandyq, qalalyq, oblystyq máslıhattar men qoǵamdyq keńesterde jiti talqylanyp, saıası formýlalar men qujattarǵa aınalyp, bolashaqta Quryltaıdyń kún tártibine engizgen jón dep esepteımiz. Sonymen qatar, kerisinshe, Quryltaıda talqylanǵan ıdeıalar men bastamalar Parlamentte, aımaqtyq máslıhattar men qoǵamdyq keńester alańdarynda ashyq, aıqyn talqylanyp, qoǵamǵa jetkizilip otyrýy asa mańyzdy. Osy maqsatpen taıaý kúnderi Májilis janynan ártúrli ustanymy bar saıası uıymdar ókilderin, sarapshylar men qoǵam belsendilerin qatystyratyn Qoǵamdyq palata óz jumysyn bastamaq», - dedi E. Qoshanov.

Budan buryn habarlanǵandaı, búgin QR Prezıdenti Qasym-Jomart Toqaevtyń qatysýymen Ulttyq quryltaıdyń alǵashqy otyrysyótip jatyr.

Aıta keteıik, búgin Prezıdent jańadan qurylǵan Ulytaý oblysyna jumys saparymen kelgen bolatyn.

Keshe Memleket basshysynyń Ulttyq quryltaı qurý týraly Jarlyǵy jarııalandy.