Májilis jáne máslıxat depýtattarynyń saılaýyn birge ótkizý qarajatty únemdeıdi - Q. Turǵanqulov
20:49, 20 Qańtar 2016
ASTANA. QazAqparat - Májilis jáne máslıxat depýtattarynyń saılaýyn birge ótkizý qarajatty únemdeıdi. Bul týraly búgin Ortalyq saılaý komıssııasynyń tóraǵasy Qýandyq Turǵanqulov málim etti.
«Biz búgin máslıxat depýtattarynyń saılaýyn taǵaıyndaý týraly qaýlyny qabyldadyq. Bul negizinen eki saılaýdy biriktirý qarajattyń únemdelýine alyp keletindikten bolyp otyr. Sonymen qatar biz osylaısha jyl boıy elektoraldy merzimdi qysqartamyz. Biz búgin Májilis pen máslıxattyń saılaýyna qatysty qalypty qujattardy qabyldadyq. ıAǵnı, bizge tek kúntizbeni ózgertý ǵana kerek bolatyn. Sondyqtan biz shuǵyl qaýly qabyldaǵanǵa tańqalmańyzdar. Taǵy bir ret qaıtalaımyn, qujattardyń barlyǵy - standartty qujattar», - dedi ol.
Aıta keteıik, QR Parlament Májilisiniń depýtattaryn saılaý 20 naýryzǵa, QHA atynan usynylatyn depýtattardyń saılaýy 21 naýryzǵa belgilendi.