Májilis jáne máslıhat depýtattyǵyna kandıdattarǵa QazAqparat saıtynan ınternet-alań berý sharttary
«Respýblıka Prezıdentiniń Teleradıokesheni» KEAQ – www.inform.kz saıty (budan ári-Saıt) bar «Qazaqparat» Halyqaralyq aqparattyq agenttiginiń ıesi, Qazaqstan Respýblıkasynyń 28.09.1995 jylǵy «Qazaqstan Respýblıkasyndaǵy saılaý týraly» Konstıtýtsııalyq Zańyna sáıkes saılaý aldyndaǵy úgit materıaldaryn (budan ári-Úgit materıaldary) ornalastyrý úshin saıtta ınternet-alańdardy usynýdyń tólem mólsheri, sharttary men tártibi týraly habarlaıdy.
Saılaý aldyndaǵy úgit Qazaqstan Respýblıkasy Parlamenti Májilisiniń jáne máslıhattarynyń depýtattyǵyna kandıdattardy tirkeý merzimi aıaqtalǵan sátten bastalady jáne saılaý kúniniń aldyndaǵy kúnniń jergilikti ýaqyty boıynsha nól saǵatta aıaqtalady, osylaısha, úgit materıaldaryn Saıtqa ornalastyrý 2023 jylǵy 18 aqpandaǵy saǵat 18.00-den 2023 jylǵy 18 naýryz saǵat 00.00-ge deıin júzege asyrylady.
Saıt menshik ıesi men Qazaqstan Respýblıkasy Parlamenti Májilisiniń jáne máslıhattarynyń depýtattyǵyna kandıdat (budan ári-Kandıdat) arasynda jazbasha ótinishpen, ne kandıdattyń ýákiletti ókilimen jasalatyn shart negizinde ınternet-alańdy usynady. Úgit materıaldarynyń sany men ornalastyrý kezeńi kandıdattyń ne onyń ýákiletti ókiliniń jazbasha ótinishinde kórsetiledi, sodan keıin olar sharttyń talaptarymen bekitiledi.
Ótinish kandıdattardyń ótinishterin tirkeý jýrnalynda kezektilik tártibimen árbir jazbasha ótinishke ótinishtiń rettik nómiri men kelip túsken kúnin berý arqyly tirkeledi.
Jazbasha ótinishke mynadaı qujattar qosa berilýge tıis:
1) Kandıdattyń tirkelgenin rastaıtyn qujattyń kóshirmesi;
2) Kandıdat ókiliniń ókilettigin rastaıtyn qujattyń kóshirmesi;
3) ótinish berýshi tulǵanyń jeke kýáliginiń kóshirmesi;
4) shart jasasý úshin adamnyń ókilettigin rastaıtyn qujattar.
Kandıdattardyń úgit materıaldaryn Saıtta ornalastyrý kezektiligi jazbasha ótinishterdiń túsý tártibimen ne eger ótinishter bir mezgilde kelip túsken jaǵdaıda jerebe boıynsha belgilenedi. Jerebe ótkizý tártibi men sharttaryn Saıt aıqyndaıdy. Bul rette úgit materıaldaryn ornalastyrý jazbasha ótinish berý sátindegi qolda bar tehnıkalyq múmkindikterge sáıkes, ıaǵnı «QazAqparat» HAA ınternet-alańynyń boljamdy ıntervalynda jarnamanyń/menshikti promo materıaldardyń bolýy jáne/nemese bolmaýy júzege asyrylady.
Úgit materıaldaryna qoıylatyn talaptar tarıfterge qosymshada kórsetilgen. Úgit materıaldarynda olardyń tólengeni, qarjylandyrý kózderi týraly kórneki aqparat bolýǵa tıis.
Úgit materıaldaryn usynǵan kandıdattar olardyń mazmunynyń Qazaqstan Respýblıkasy zańnamasy talaptaryna, onyń ishinde avtorlyq jáne sabaqtas quqyqtar salasyndaǵy talaptarǵa sáıkestigi úshin derbes jaýapty bolady.
Saıttyń menshik ıesi úgit materıaldaryn ornalastyrýdan, eger olarda respýblıkanyń konstıtýtsııalyq qurylysyn kúshtep ózgertý, tutastyǵyn buzý, memleket qaýipsizdigine nuqsan keltirý, áleýmettik, násildik, ulttyq, dinı, tektik-toptyq jáne rýlyq arazdyqty, qatygezdik pen zorlyq-zombylyqqa tabynýdy qozdyrý, zańnamada kózdelmegen áskerılendirilgen quralymdar qurý ıdeıalary bolsa, sondaı-aq olarda Qazaqstan Respýblıkasy Parlamenti Májilisiniń jáne máslıhattarynyń depýtattyǵyna basqa kandıdattardyń ar-namysyna, qadir-qasıetine nemese iskerlik bedeline nuqsan keltirýge qabiletti aqparat bolǵan jaǵdaıda bas tartýǵa quqyly. Osy aqparattyq habarlamada kórsetilgen ınternet-alańdardy berý sharttary men tártibi Qazaqstan Respýblıkasynyń ýákiletti organdarynyń talaptaryna sáıkes túzetilýi múmkin.