Májilis jáne máslıhat depýtattyǵyna kandıdattarǵa Jibek Joly telearnasynyń efırinen ýaqyt berý sharttary
«Qazaqstan Respýblıkasy Prezıdentiniń Teleradıokesheni» KEAQ (budan ári-Qoǵam) – «Jibek Joly/Silk Way» telearnasynyń (budan ári – Telearna) menshik ıesi 28.09.1995 jylǵy «Qazaqstan Respýblıkasyndaǵy saılaý týraly» Qazaqstan Respýblıkasynyń Konstıtýtsııalyq Zańyna sáıkes saılaý aldyndaǵy úgit materıaldaryn (budan ári – Úgit materıaldary) ornalastyrý úshin Telearnada efır ýaqytyn berýdiń tólem mólsheri, sharttary men tártibi týraly habarlaıdy.
Saılaý aldyndaǵy úgit Qazaqstan Respýblıkasy Parlamenti Májilisi men máslıhattary depýtattyǵyna kandıdattardy tirkeý merzimi aıaqtalǵan sátten bastalady jáne saılaý kúniniń aldyndaǵy kúnniń jergilikti ýaqyty boıynsha nól saǵatta aıaqtalady, osylaısha, úgit materıaldaryn Telearna efırinde ornalastyrý 2023 jylǵy 18 aqpan saǵat 18.00-den 2023 jylǵy 18 naýryz saǵat 00.00-ge deıin júzege asyrylady.
Telearna Qoǵam men Qazaqstan Respýblıkasy Parlamenti Májilisiniń jáne máslıhattarynyń depýtattyǵyna kandıdat (budan ári – Kandıdat) nemese kandıdattyń ýákiletti ókilimen jasalatyn jazbasha shart negizinde efır ýaqytyn beredi. Efır ýaqyty qolda bar tehnıkalyq múmkindikterdi eskere otyryp beriledi.
Kandıdattyń ne onyń ýákiletti ókiliniń Qoǵam basshysynyń atyna jazbasha ótinishi efır ýaqytyn berý týraly shart jasasý úshin negiz bolyp tabylady. Úgit materıaldarynyń sany, hronometrajy, efırde ornalastyrýdyń boljamdy kúni men ýaqyty Kandıdattyń ne onyń ýákiletti ókiliniń jazbasha ótinishinde kórsetiledi, sodan keıin olar sharttyń talaptarymen bekitiledi.
Ótinish kandıdattardyń ótinishterin tirkeý jýrnalynda kezektilik tártibimen árbir jazbasha ótinishke ótinishtiń rettik nómiri men kelip túsken kúnin berý arqyly tirkeledi.
Jazbasha ótinishke mynadaı qujattar qosa berilýge tıis:
1) Kandıdattyń tirkelgenin rastaıtyn qujattyń kóshirmesi;
2) Kandıdat ókiliniń ókilettigin rastaıtyn qujattyń kóshirmesi;
3) ótinish berýshi tulǵanyń jeke kýáliginiń kóshirmesi;
4) shart jasasý úshin adamnyń ókilettigin rastaıtyn qujattar.
Telearna efırinde kandıdattardyń materıaldaryn ornalastyrý kezektiligi jazbasha ótinishterdiń kelip túsýi tártibimen ne eger ótinishter bir mezgilde kelip túsken jaǵdaıda jerebe boıynsha belgilenedi. Jerebeni ótkizý tártibi men sharttaryn Qoǵam aıqyndaıdy.
Eger jazbasha ótinish kelip túsken sátke buryn júgingen basqa Kandıdatqa suraǵan ýaqyty berilse ne tehnıkalyq múmkindikteri boıynsha berilmese, Qoǵam kandıdatqa Telearnanyń tehnıkalyq múmkindikterin eskere otyryp, úgit materıaldaryn ornalastyrý úshin ózge de ýaqyt usynady.
Úgit materıaldary kelesideı talaptarǵa saı bolýy kerek: MPEG-2 kodegi, Chroma 422, Bıtreıt 50 Mbıt/sek, 25 kadr / sek, ajyratymdylyq 1920*1080, interlaced-ti keńeıtip kórsetý túri, alańdardy qurý tártibi - birinshi joǵarǵy alań (topfieldfirst), kadr qatynasy 16: 9; Aýdıo: PCM, WAV, 24 bıt formaty, 48 kHz, deńgeı -12 DB, materıaldyń sońǵy nusqasyndaǵy dybys 1-shi stereo arnanyń sol jaq jolyna jınalýy kerek, birdeı oń joldy (jalǵan stereo) paıdalanýǵa ruqsat etiledi. Beıne jáne Aýdıo MXF OP-1a konteınerinde bolýy kerek. Beınematerıaldar syrtqy tasymaldaǵyshtarda (qatty dısk, flesh-karta) usynylady.
Beınetaspamen bir mezgilde efır ýaqytyn berý týraly shartqa qol qoıýǵa ýákilettik berilgen adam qol qoıǵan úgit materıalynyń mazmuny bolyp tabylatyn mátinniń tolyq jazbasy, beıneleri úgit materıaldarynda paıdalanylǵan adamdardyń jazbasha ruqsattary, al olar qaıtys bolǵan jaǵdaıda muragerlerdiń jazbasha ruqsattary, jarnamalyq materıaldarda kámeletke tolmaǵan balalardyń beıneleri paıdalanylǵan jaǵdaıda ata-analarynyń, qamqorshylardyń, asyrap alýshylardyń jazbasha ruqsattary usynylady.
Úgit materıaldarynda olardyń tólemi, qarjylandyrý kózderi týraly dybystyq nemese kórneki aqparat bolýǵa tıis.
Úgit materıaldaryn usynǵan kandıdattar olardyń mazmunynyń Qazaqstan Respýblıkasy zańnamasy talaptaryna, onyń ishinde avtorlyq jáne sabaqtas quqyqtar salasyndaǵy talaptarǵa sáıkestigi úshin derbes jaýapty bolady.
Osy aqparattyq habarlamada kórsetilgen talaptar men tártip, sondaı-aq tıisti sharttyń talaptary buzylǵan jaǵdaıda Úgit materıaldarynyń efırlik habary júrgizilmeıdi ne buzýshylyq joıylǵanǵa deıin toqtatyla turady.
Qoǵam eger Úgit materıaldarynda konstıtýtsııalyq qurylysty kúshtep ózgertý, respýblıkanyń tutastyǵyn buzý, memleket qaýipsizdigine nuqsan keltirý, áleýmettik, násildik, ulttyq, dinı, tektik-toptyq jáne rýlyq arazdyqty qozdyrý, qatygezdik pen zorlyq-zombylyqqa tabyný, sondaı-aq zańnamada kózdelmegen áskerılendirilgen quralymdar qurý ıdeıalary bolsa, efırge shyǵarýdan bas tartady.
Qoǵam Qazaqstan Respýblıkasy Parlamenti Májilisiniń jáne máslıhattarynyń depýtattyǵyna basqa kandıdattardyń ar-namysyna, qadir-qasıetine nemese iskerlik bedeline nuqsan keltirýge qabiletti aqparat bolǵan jaǵdaıda Úgit materıaldaryn efırge shyǵarýdan bas tartýǵa quqyly.
Osy aqparattyq habarlamada kórsetilgen efır ýaqyty men ınternet alańdaryn berý sharttary men tártibi Qazaqstan Respýblıkasynyń ýákiletti organdarynyń talaptaryna sáıkes túzetilýi múmkin.
1.Kandıdattardyń nemese olardyń ýákiletti ókilderiniń úgit materıaldaryn «Jibek Joly / Silk Way» telearnasynyń efırinde ornalastyrý
| № | Qyzmet ataýy | Hronometraj (sekýndtyq tarıfteýmen) | Sh yǵý ýaqyty | Q uny QQS-pen 1 mınýt |
| 1 | Úgit materıaldaryn ornalastyrý | 1 mınýt |
00:00-24:00 | 90 000 |
Jazbasha ótinishterdi Telearna menshik ıesi 2023 jylǵy 15 aqpannan bastap demalys jáne mereke kúnderinen basqa, 2023 jylǵy 14 naýryzdy qosa alǵanda 10 saǵat 00 mınýttan 18 saǵat 00 mınýtqa deıin Astana qalasy, Aqmeshit kóshesi 3, PARKLINE BO, 2 qabat, 206 keńse, telefony 8 (7172) 95 40 59, mekenjaıy boıynsha qabyldaıdy.
Faksımıldi jáne ınternet baılanysy arqyly jazbasha ótinishter qabyldanbaıdy.
«Qazaqstan Respýblıkasy Prezıdentiniń Teleradıokesheni» KEAQ