Májilis Uly Otan soǵysynyń ardagerlerin baspanamen qamtýdaǵy qoldaýdy kúsheıtýge baǵyttalǵan jobany maquldady
Qujatqa birqatar Májilis depýtattary bastamashylyq jasaǵan, dep habarlaıdy QazAqparat.
Zań jobasy boıynsha túsinik bergen Májilis depýtaty Vladımır Bobrovtyń aıtýynsha, qujat Uly Otan soǵysynyń múgedekteri men qatysýshylaryna memlekettik qoldaýdy kúsheıtý maqsatynda ázirlengen.
«Qujat boıynsha Uly Otan soǵysynyń múgedekteri men qatysýshylarynyń baspana alý kezinde atalǵan sanattaǵy adamdardyń tabysyna shekteýlerdi alyp tastaý normalary kózdelip otyr. Óıtkeni, qoldanystaǵy zańǵa sáıkes UOS múgedekteri men qatysýshylary az qamtylǵan sanatqa jatqyzylmaıdy. Ekinshiden, zań jobasynda UOS-nyń múgedekteri men qatysýshylaryna memlekettik turǵyn úı qorynan turǵyn úıdi birinshi kezekte alý quqyǵy qarastyrylady. Úshinshiden, UOS-nyń múgedekteri men qatysýshylaryna memlekettik turǵyn úı qorynyń turǵyn úıin atalǵan sanattaǵy adamdarǵa tegin berý quqyǵy kózdeledi», dedi V. Bobrov.
Sonymen birge, zań jobasy arqyly apatty úılerde turyp jatqan jáne baspana alýǵa muqtaj jekelegen azamattardyń tizimin júrgizý qamtylǵan.
Jobamen jumys barysynda depýtattar UOS múgedegi nemese qatysýshysy qaıtys bolǵan jaǵdaıda onyń otbasy múshelerine turǵyn úıdi tegin beri quqyǵyn qarastyratyn normany engizdi.
Májilis maquldaǵan zań jobasy Parlament Senatyna jiberiledi.