Májilis Úkimettiń, memlekettik organdardyń arasyndaǵy quzyrettilikti bólýge baǵyttalǵan qujatty jumysqa aldy (FOTO)

ASTANA. QazAqparat - Búgin QR Parlamenti Májilisiniń tórtinshi sessııasynyń alǵashqy otyrysy ótýde. Onyń barysynda palata depýtattary «Qazaqstan Respýblıkasynyń Úkimeti týraly» QR Konstıtýtsııalyq zańyna ózgerister engizý týraly» zań jobasyn jumysqa aldy.

«Atalǵan zań jobasy elimizdegi memlekettik basqarý deńgeıleri arasyndaǵy ókilettikterdiń arajigin ajyratý týraly aǵymdaǵy jylǵy tamyzdaǵy QR Prezıdentiniń Jarlyǵyn júzege asyrýdy kózdeıdi. Zań jobasy Úkimet, ortalyq atqarýshy organdar, ortalyq atqarýshy organdar men jergilikti atqarýshy organdar arasyndaǵy quzyrettikti bólýge baǵyttalǵan», dedi depýtat Seıitsultan Áıimbetov. Onyń aıtýynsha, QR Prezıdenti atalǵan qujatty qaraýdy shuǵyl dep jarııalaǵan bolatyn. Osyǵan oraı, Ekonomıkalyq reforma jáne óńirlik damý komıteti zań jobasyna onynshy qyrkúıekke deıin qorytyndy shyǵaratyn bolady.

Budan bólek, Májilis «QR keıbir zańnamalyq aktilerine memlekettik basqarý deńgeıleri arasyndaǵy ókilettikterdiń arajigin ajyratý máseleleri boıynsha ózgerister men tolyqtyrýlar engizý týraly» zań jobasyn da óndiriske aldy. Bul qujat da Elbasy tarapynan shuǵyl dep jarııalanǵan.