Májilis Tóraǵasy Japonııanyń burynǵy Premer-mınıstrimen kezdesti
Bul týraly Májilistiń baspasóz qyzmeti habarlady.
N. Nyǵmatýlın mártebeli meımanǵa mańyzdy jıynǵa qatysyp, mazmundy baıandama jasaǵany úshin alǵysyn jetkizdi. Soendaı-aq osy konferentsııada aıtylǵan pikirler, ázirlengen usynymdar qatysýshy elderdiń aldaǵy birlesken jumysyna serpin beretinine senim bildirdi.
Palata spıkeri atap ótkendeı, Qazaqstan Parlamenti Halyqtyń qonystanýy jáne damýy jónindegi Azııa parlamentarııleri forýmy jumysyna belsene qatysady. «Investıtsııa - Jastarǵa» konferentsııasy osy birlesken jumystyń nátıjesi.
Áńgime barysynda jastar máselesine aıryqsha nazar aýdaryldy.
N. Nyǵmatýlınniń sózinshe, Qazaqstan Prezıdenti Nursultan Nazarbaev árbir Joldaýynda, árbir mańyzdy bastamalarda eń aldymen, jastar máselesine basymdyq beredi. Bul memlekettik saıasattyń mańyzdy bóligi.
Óz kezeginde ıAsýo Fýkýda myrza Qazaqstandaǵy jastar saıasatyn erekshe qoldaıtynyn, olar el damýynyń irgetasy bola alatynyn aıtty. Jáne bizdiń elimizde jastardy jan-jaqty qoldaýdyń múmkindigi zor ekenin alǵa tartyp, osy salada yntymaqtastyqty damytýǵa degen ynta-yqylasyn bildirdi.
Odan ári taraptar ekijaqty qarym-qatynasty, sonyń ishinde, parlamentaralyq baılanysty nyǵaıtý jaıyn sóz etti.
Aıta ketsek, bıyl eki el arasynda dıplomatııalyq qatynastyń ornaǵanyna 25 jyl toldy. Osy ýaqyttar ishinde Astana men Tokıo bir-birine únemi qoldaý kórsetip keledi.
Májilis tóraǵasynyń aıtýynsha, ıadrolyq qarýsyzdaný jáne taratpaý, atom energııasyn beıbit maqsatta paıdalaný basqa da halyqaralyq ózekti máseleler boıynsha bizdiń elderimizdiń ustanymy óte jaqyn.
Osy rette ıA. Fýkýda Qazaqstan Prezıdentiniń halyqaralyq bastamalaryn erekshe baǵalaıtynyn jáne bizdiń elimizdiń joǵary damý deńgeıine jetýinde Memleket basshysynyń róli zor ekenine toqtaldy.
Kezdesý ıeleri barlyq salada yqpaldastyqty kúsheıtý joldaryn talqylaı kelip, ortaq maqsat jolynda birlese atqarǵan jumystar bizdiń elderimizdiń ózara tıimdi jáne kópqyrly áriptestigin tereńdetetinine senim bildirdi.
Sondaı-aq, osy konferentsııa aıasynda Májilis tóraǵasy Nurlan Nyǵmatýlın Qyrǵyz Respýblıkasy Jogorký Keneshi tóraǵasynyń orynbasary Mırlan Bakırov, sonymen birge, Ózbekstan Olıı Majlısi Zań shyǵarýshy palatasy tóraǵasynyń orynbasary Borıı Alıhanov bastaǵan delegatsııa ókilderin qabyldap, elder arasyndaǵy qarym-qatynasty damytýdyń ózekti máselelerin ortaǵa saldy.