Májilis tóraǵasy Nurlan Nyǵmatýlın daýys berdi

NUR-SULTAN. QazAqparat - QR Parlamenti Májilisiniń tóraǵasy Nurlan Nyǵmatýlın kezekten tys Prezıdenttik saılaýda daýys berdi, dep habarlaıdy QazAqparat tilshisi.

«Ne jóninde suraǵylaryńyz keledi? Golovkınniń aıqasy ma?», - dep qaljyńdady ol jýrnalısterge.

Onyń aıtýynsha, búgin barlyq qazaqstandyqtar óz konstıtýtsııalyq mindetin oryndaýy tıis.

«Men tańdaý jasarda únemi senimdi bolamyn. Búgin de úlken senimdilikpen daýys berdim», - dedi Májilis tóraǵasy.

Aıta keteıik, QR Ulttyq kitaphanasynda ornalasqan №111 saılaý ýchaskesinde 4 661 turǵyn tirkelgen. Odan bólek, ýchaskede partııadan - 2 baıqaýshy, Qoǵamdyq uıymdardan - 5 baıqaýshy, senimdi ókilder - 3, BAQ - 13 jýrnalıst bar. Halyqaralyq baıqaýshylar retinde BUU (3) jáne EQYU (5) ókilderi keldi.

Atalǵan ýchaskede QR Mádenıet jáne sport mınıstri Arystanbek Muhamedıuly, Nur Otan partııasy Tóraǵasynyń birinshi orynbasary Máýlen Áshimbaev, QR Prezıdenttigine úmitker Amangeldi Taspıhov daýys berdi.

QR Prezıdentiniń kezekten tys saılaýynda el ishinde jáne shet elderde 9 968 daýys berý ýchaskesi jumys isteıdi. Saılaý týraly Konstıtýtsııalyq zańǵa sáıkes, daýys berý ýaqyty standartty (saǵat 7.00-20.00 aralyǵy) bolady.