Májilis tóraǵasy mınıstrlerdi qaryzdy qaıtarý mindeti týraly oılanýǵa shaqyrdy

ASTANA. QazAqparat - Májilis tóraǵasy Nurlan Nyǵmatýlın Qazaqstannyń mamandary atqara alatyn jumystarǵa sheteldik keńesshilerdi shaqyrtýdy doǵarý kerektigin aıtty, dep habarlaıdy QazAqparat tilshisi.

«Qarjysy tıimsiz jumsalǵan zaımdar az emes. Usynylǵan esepke qarasaq, qaryzǵa alynǵan aqsha mınıstrliktiń tikeleı fýnktsıonaldyq mindettemelerine jumsalǵan. (...) Sizderge tıisti sharalarǵa AQSh jáne EO-dan mamandardy tartýdyń qajettigi qansha? Baqyt Turlyhanuly (Qarjy mınıstri - red.) sizden artyq jumysty kim baǵalaı alady?», - dedi N. Nyǵmatýlın Májilistiń jalpy otyrysynda mınıstrge qarata aıtqan sózinde.

Onyń sózine qaraǵanda, Qarjy mınıstrligi shetel mamandaryn vedomstvonyń qyzmetkerlerin polıgrafologııalyq zertteý úshin tartqan. Degenmen de bul jumysty quqyq qorǵaý organdary da atqarýǵa qaýqarly.

«Nege olardyń kómegine júginbedińizder, ıaǵnı shetel mamandaryn tartýdyń qajeti qansha?», - dep surady Májilis tóraǵasy.

N. Nyǵmatýlınniń paıymynsha, mınıstrlik óz kúshimen baǵynyshty qurylymdyq bólimsheleriniń jumysyndaǵy tıimdilik kórsetkishterin ázirleýge ábden qaýqarly.

«Tutas apparattar men mınıstrlikter bizde bar. Alaıda zaımdyq aqshany paıyzben alyp, sheteldik mamandar shaqyrtylyp jatady. Endi bul qarjyny qalaı qaıtaramyz?», - dedi Nurlan Nyǵmatýlın.

Májilistiń jalpy otyrysynda, Esep komıtetiniń tóraıymy Natalıa Godýnova memorgandar men ulttyq kompanııalarǵa sheteldik mamandardy tartýdy qysqartý usynysyn jasady.

«Memorgandar men ulttyq kompanııalar halyqaralyq keńesshilerdi tartýǵa qomaqty qarjyny jumsaýdy jalǵastyryp keledi. Olardyń eńbekaqasy jergilikti mamandardan 3-4 ese asyp túsedi. Sonymen birge olardyń eńbekaqysyn retteý boıynsha normatıvtik-quqyqtyq baza joq. Osy oraıda sarapshylardy tartý boıynsha biryńǵaı ortalyqty qurý jolymen halyqaralyq keńesshiler qyzmetterine shyǵystardy ońtaılandyrý jón bolar edi», - dedi N. Godýnova.