Májilis tóraǵasy depýtattardyń belsendiligine qatysty pikir bildirdi

ASTANA. QazAqparat – Parlamenttegi negizgi jumystar palatanyń komıtetterinde atqarylyp keledi. Bul týraly Májilis tóraǵasy Erlan Qoshanov aıtty, dep habarlaıdy QazAqparat tilshisi.

Búgin Májiliste ótken baspasóz máslıhatynda tilshiler E.Qoshanovtan palata depýtattarynyń Parlament jumysyndaǵy belsendiligi týraly surady.

«Májiliste úsh fraktsııa bar. Fraktsııalarda bul máseler qaralyp otyrady. Osy oraıda, ár depýtattyń reıtıngi bar. Olardyń jasaǵan depýtattyq saýaldaryna qatysty derekter jınaqtalyp otyr. Sondyqtan ár fraktsııada depýtattardyń belsendigi baǵalanady. Meniń oıymsha, depýtattardyń belsendiligi ártúrli bolǵanymen, barlyǵy jumys istep jatyr. Atqarylatyn jumystardyń birazy komıtetter aıasynda, jumys toptarynda júrgiziledi», - dedi E.Qoshanov.

Bul turǵyda Májilis tóraǵasy Parlamenttegi eń negizgi jumystar komıtetterde, jumys tobynda iske asyrylatynyn naqtylady.

«Eń basty pikirtalastar komıtetterde júrgiziledi. Sondyqtan komıtet otyrystarynda kóteriletin máselelerge nazar aýdarý kerek», - dedi Erlan Qoshanov.