Májilis tóraǵasy: Biz saılaýshylarmen jıirek kezdesýge tıispiz
«Jurtpen qarym-qatynas, olardyń múddesin qorǵaý – sizder men bizdiń kúndelikti jumysymyzdyń negizi. Depýtattardyń saılaýshylarmen tıimdi jumys isteýi úshin biz barlyq jaǵdaıdy jáne qosymsha múmkindikterdi jasaýymyz qajet. Múmkin, halyqpen kezdesý formatyn qaıta qaraýymyz kerek shyǵar. Tamyrshydaı tap basyp, jurttyń muń-muqtajyn bilý úshin jáne zańdar qabyldaý arqyly olardyń kókeıkesti problemalaryn sheshý úshin biz saılaýshylarmen jıirek kezdesýge tıispiz», - dedi E. Qoshanov Májilistiń jalpy otyrysynda.
Osy oraıda ol barlyq bastamalardy sapaly zańdarmen qamtamasyz etý kerek ekenin atap ótti.
«Jumysymyzda osy prıntsıpterdi basshylyqqa ala otyryp, biz búkil qazaqstandyqtardyń múddesin laıyqty bildire alamyz dep senemin. Bizdiń maqsatymyz aıqyn, mindetimiz ortaq. Ol eldiń damýyna, halyqtyń ál-aýqatyn arttyrýǵa arnalǵan barlyq bastamalardy sapaly zańdarmen qamtamasyz etý. Osy jolda, qurmetti depýtattar, birlese eńbek etip, tıisti nátıjelerge jetemiz dep senemin», - dedi Májilis tóraǵasy.