Májilis terrorızmge qarsy is-qımyldy jetildirýge baǵyttalǵan zań jobasyn óndiriske aldy

ASTANA. QazAqparat Búgin Parlament Májilisiniń jalpy otyrysynda «Qazaqstan Respýblıkasynyń keıbir zańnamalyq aktilerine ekstremızmge jáne terrorızmge qarsy is-qımyl máseleleri boıynsha ózgerister men tolyqtyrýlar engizý týraly zań jobasy» jumysqa alyndy.

Eske sala ketsek, Parlamenttiń jańa sessııasyn ashý barysynda Memleket basshysy Nursultan Nazarbaev depýtattardyń nazaryn terrorızmge qarsy kúres boıynsha zańnama jetildirip, quqyq qorǵaý sharalaryn qabyldaý qajettigine aýdarǵan edi. Sonymen qatar, Elbasynyń tapsyrmasy boıynsha ekstremızmge jáne terrorızmge qarsy turý, qarsy barlaý qyzmeti, daktıoskopııalyq jáne genomdyq tirkeý, eldiń aqparattyq qaýipsizdigin nyǵaıtý máseleleri boıynsha 7 zań jobasy ázirlenip, Májiliske engiziletini aıtylǵan edi.
Prezıdent eldiń qaýipsizdigin qamtamasyz etýge baǵyttalǵan zań jobalaryn baıyppen, tyńǵylyqty qarap, jyl sońyna deıin qabyldaýdy usynǵan. 
«Elbasy sessııany ashý barysynda osy zań jobalarynyń mańyzdylyǵy týraly aıtqan bolatyn. Zań jobasynyń maqsaty terrorızm men ekstremızmge qarsy is-qımyl, qarý-jaraq aınalymy jáne kóshi-qondy retteý salasyndaǵy qoldanystaǵy zań jobasyn jetildirý bolyp otyr. Komıtet zań jobasyn jumysqa alýǵa jáne oǵan kórsetilgen merzimde qorytyndy ázirleýge daıyn», - dedi Májilistiń Halyqaralyq ister, qorǵanys jáne qaýipsizdik komıtetiniń tóraǵasy Máýlen Áshimbaev.