Májilis spıkeri Jylqy jyly Qazaqstan úshin jemisti boldy dep sanaıdy
Palata spıkeriniń aıtýynsha, Qazaqstan úshin bıylǵy jyl jaǵymdy ári jemisti boldy. «Kúrdeli halyqaralyq jaǵdaılarǵa qaramastan elimiz tynysh, baýyrymyz bútin, ekonomıkamyz turaqty. Bul Elbasynyń kóregen saıasatynyń, halqymyzdyń birligi men yntymaqtastyǵynyń, halyqaralyq qaýymdastyqtyń bizge degen seniminiń nátıjesi», - dedi Q. Jaqypov. Sonymen qatar, Májilis Tóraǵasy 4-shi sessııanyń ashylý barysynda Elbasy júktegen tapsyrmalarǵa toqtala kele, osy mindetterdi sapaly ári ýaqytyly oryndaý úshin kúsh-jiger salynǵanyn jetkizdi. Onyń sózine qaraǵanda, sessııa basynan beri Májiliske 104 zań jobasy kelip tússe, onyń 38-i Senatqa joldanǵan. 27 zańǵa el Prezıdentiniń qoly qoıylyp, qoldanystaǵy zańnamalardy tolyqtyra túsken. Budan bólek, sessııa bastalǵaly 22 halyqaralyq kelisim qabyldanǵan. «Búgin biz áriptesterimizdiń (senatorlardyń-avt.) qaraýyna taǵy 7 zań jobasyn joldap otyrmyz. Jalpy, biz Prezıdent shuǵyl dep júktegen memlekettik organdardyń arajigin ajyratýǵa baǵyttalǵan eki zań jobasyn jáne salyq salý men jer qoınaýyn paıdalaný baǵytynda basymdyq berilgen eki zań jobasyn sessııa barysynda maquldadyq. Búgingi tańda sondaı-aq, Májiliste 66 zań jobasy qaralýda. Olar ekonomıka men áleýmettik salanyń mańyzdy bólikterin qamtıdy», - dep atap ótti Q. Jaqypov.
Sonymen qatar, Májilis spıkeri depýtattyq korpýsqa alǵysyn jetkizip, áriptesterine Jańa 2015 jyly da jemisti eńbek tiledi.