Májilis sottardyń qyzmetin jetildirýge arnalǵan qujatty talqylaıdy

ASTANA. QazAqparat – Parlament Májilisi «Qazaqstan Respýblıkasynyń sot júıesi men sýdıalarynyń mártebesi týraly» Qazaqstan Respýblıkasynyń Konstıtýtsııalyq zańyna ózgerister men tolyqtyrýlar engizý týraly» Konstıtýtsııalyq zań jobasy men ilespe qujatty talqylaıdy, dep habarlaıdy QazAqparat tilshisi.

«Atalǵan zań jobalaryn Memleket basshysynyń 2022 jylǵy 1 qyrkúıektegi Qazaqstan halqyna Joldaýyn júzege asyrý maqsatynda bir top Parlament depýtattary ázirledi. Bul qujattar sýdıalar korpýsynyń kásibıligin jáne olardyń táýelsizdigin arttyrýǵa, sondaı-aq sýdıalyqqa kandıdattardy daıarlaýdyń, biliktilikti arttyrýdyń, shekti jasty uzartýdyń, jumys istep júrgen sýdıalardyń ókilettikterin toqtatýdyń birqatar máselelerin Joǵarǵy sottan Joǵarǵy sot keńesine berýge baǵyttalǵan túzetýlerdi qamtyp otyr», - dedi Májilistiń Zańnama jáne sot-quqyqtyq reforma komıtetiniń tóraǵasy, depýtat Arman Qojahmetov palatanyń jalpy otyrysynda.

Onyń aıtýynsha, atalǵan zań jobalaryn qabyldaý sottardyń qyzmetin jetildirýge, jergilikti jerlerde sýdıalardyń táýelsizdigin nyǵaıtýǵa múmkindik beredi.

Osy oraıda A. Qojahmetov Májilistiń Zańnama jáne sot-quqyqtyq reforma komıteti bul qujattardy talqylaýdy bastaıtynyn jetkizdi.