Májilis saılaýynda qoǵamdyq pikirge saýalnama qalaı júrgiziledi
QR OSK resmı saıtynda jarııalanǵan qujatqa qaraǵanda, «Qazaqstan Respýblıkasyndaǵy saılaý týraly» Konstıtýtsııalyq zańnyń 28-baby 9-tarmaǵynyń talaptaryna sáıkes saılaýǵa baılanysty qoǵamdyq pikirge saýalnama júrgizýdi Qazaqstan Respýblıkasynyń zańnamasyna sáıkes tirkelgen, qoǵamdyq pikirge saýalnama júrgizý boıynsha keminde bes jyl tájirıbesi bar zańdy tulǵalar tıisti qujattardyń kóshirmelerin qosa berip, bul týraly Ortalyq saılaý komıssııasyn jazbasha túrde aldyn ala habardar ete otyryp júrgizýge quqyly.
Ortalyq saılaý komıssııasyna jiberiletin habarlamada saýalnamaǵa qatysatyn jáne osy salada jumys tájirıbesi bar mamandar týraly, qoǵamdyq pikirge saýalnama júrgiziletin óńirler týraly, qoldanylatyn taldaý ádisteri týraly málimetter kórsetiledi.
Saılaýǵa baılanysty qoǵamdyq pikirge saýalnama júrgizý nátıjelerin jarııalaǵan kezde buqaralyq aqparat quraldary, onlaın-platformalar saýalnama júrgizgen zańdy tulǵany, saýalnama júrgizýge tapsyrys bergen jáne onyń aqysyn tólegen tulǵalardy, saýalnama júrgizilgen ýaqytty, aqparat jınaý ádisin, suraqtyń naqty tujyrymyn, saýalnamaǵa qatysqandardyń sany men saýalnama júrgizý nátıjeleriniń qatelik koeffıtsıentin kórsetýge mindetti.
Qoǵamdyq pikirge saýalnama júrgizý nátıjelerin, saılaý, saılaýǵa baılanysty ózge de zertteýler, kandıdattardy ne saıası partııalardy qoldap daýys berý nátıjeleriniń boljamdaryn daýys beriletin kúnniń aldyndaǵy bes kún ishinde (2023 jylǵy 14 – 18 naýryz aralyǵynda) jáne daýys beriletin kúni (2023 jylǵy 19 naýryzda) Internet jelisinde jarııalaýǵa jol berilmeıdi.
«Saılaýǵa baılanysty qoǵamdyq pikirge saýalnama júrgizý sharttaryn buzý adamdy ákimshilik jaýapqa tartýǵa negiz bolyp tabylady (ÁQBtK-niń 120-baby)»,-delingen habarlamada.