Májilis saılaýyna monıtorıng júrgizý úshin barlyq jaǵdaı jasalǵan - E.Sloboda
Bul týraly búgin QR Ortalyq saılaý komıssııasynda baspasóz máslıhatyn ótkizgen TMD baıqaýshylary mıssııasynyń jetekshisi Evgenıı Sloboda aıtty.
«Táýelsiz Memleketter Dostastyǵynyń baıqaýshylar mıssııasyna QR Parlamenti Májilisi depýtattarynyń kezekten tys saılaýyna monıtorıng júrgizýi úshin barlyq qajetti jaǵdaı jasalǵan. Al bul saılaý protsesiniń ashyq ári ádil júrgizilip jatqandyǵyn dáleldeıdi», - dedi ol.
Mıssııa basshysynyń atap ótýinshe, búgingi kúnge deıin Dostastyqtan 111 saılaýshy QR Ortalyq saılaý komıssııasynan akkredıtatsııadan ótken. Taǵy 130 baıqaýshynyń qujattaryn komıssııa taraby qaraý ústinde.
«ıAǵnı, qazirdiń ózinde mıssııa quramynda 240-tan astam baıqaýshynyń bolatyndyǵyn nyq senimmen aıtýǵa bolady. Munan bólek, mıssııa quramyna TMD-ǵa qatysýshy memleketterdiń parlamentaralyq assambleıasynyń, Belarýs pen Reseı odaǵy parlamenttik jınalysynyń, UQShU parlamenttik assambleıasynyń, Dostastyqtyń Atqarýshy komıtetiniń ókilderi de kiredi», - dedi E.Sloboda.