Májilis saılaýyn ótkizý týraly sheshim halyqtyń pikirine negizdelgen - P. Kazantsev

ASTANA. QazAqparat - Májiliste kezekten tys saılaý ótkizý týraly sheshim halyqtyń pikirine negizdelgen. Bul týraly búgin Ortalyq kommýnıkatsııalyq qyzmetindegi baspasóz máslıhatynda QR Kásipodaqtary federatsııasy tóraǵasynyń orynbasary Pavel Kazantsev málim etti.

«Osy sheshimdi qabyldaý úshin Prezıdent qandaı úlken jumystar júrgizgenin kórip otyrmyz. Sońǵy aptanyń barasynda aýqymdy konsýltatsııalar men kelissózder júrgizilgenin baıqadyq. ıAǵnı, bul sheshim halyqtyń shynaıy lebizine negizdelgen. Al bul pikirdiń basym bóligi kezekten tys saılaýǵa qoldaý kórsetý máselesine yntaly», - dedi P. Kazantsev.

Onyń sózine qaraǵanda, bundaı pikirdi federatsııanyń eki mıllıonnan astam múshesi de ustanyp otyr. Bul turǵyda 18 salalyq kásipodaqtar qamtylǵan.

«Qarapaıym eńbekkerler aldaǵy ahýalǵa alańdaıtyny belgili. Olar Ult Kóshbasshysyna senedi. Elbasy osy qıyn kezeńdi eńserý sharalaryn ózi bastap, álemdik daǵdarystan qýatty bolyp shyǵýymyzǵa jeteleıdi. Sondyqtan olar Prezıdenttiń sheshimine senim artady. Biz kásipodaqtar qazirgi kezde naqty jumysqa toptalyp, oǵan kúsh-jiger salý kerek ekenin jaqsy túsinemiz», - dep túıdi ol.