Májilis saılaýy saıası júıeni túbegeıli qaıta jandandyrady – sarapshy
«Májilis pen máslıhattar depýtattaryn saılaý - saıası júıeni túbegeıli qaıta jandandyryp, memlekettik basqarýdyń jańa formasyna alyp keledi. Qaıta jańarý saıası jáne ekonomıkalyq syn-qaterlerge tózimdi tótep beretin saıası model qalyptastyrýǵa baǵyttalǵan. Osylaısha «kúshti Prezıdent – yqpaldy Parlament – esep beretin Úkimet» formýlasyna qol jetkiziledi. Aldaǵy saılaýdyń ereksheligi - jańa ári sapaly jaǵdaıda ótetindigi. Endi Májilis depýtattarynyń 70%–y partııalyq tizim boıynsha, 30%-y bir mandatty okrýgter arqyly saılanady», - dedi Álisher Tastenov.
Sarapshy keltirgen dáıekke sáıkes, partııalardyń Májiliske ótýiniń shekti kedergisi 7-den 5%-ǵa deıin tómendetildi. Sonymen qatar saıası partııalardy tirkeý rásimi aıtarlyqtaı jeńildetildi.
«ıAǵnı saıası partııa músheleri sanyna qoıylatyn talap jeńildep, 4 ese 20-dan 5 myń múshege deıin tómendetildi. Partııalardyń óńirlik ókildikteriniń sany da 600-den 200 adamǵa deıin qysqartyldy. Oblystar men respýblıkalyq mańyzy bar qalalardyń máslıhattar depýtattaryn saılaý aralas júıemen ótedi. ıAǵnı 50/50 formatynda. Bul rette aýdandar men oblystyq mańyzy bar qalalarda máslıhat kandıdattaryna qazaqstandyqtar bir mandatty okrýgter boıynsha daýys bere alady»,- deıdi ol.
Onyń aıtýynsha, jańa saıası jaǵdaı bılik organdarynyń qoǵam pikiri, kózqarasy men suranysyna qulaq asýdy qamtamasyz etip, azamattyq qoǵamnyń tıimdi damýyna yqpal etedi.
Aıta ketsek, keshe Memleket basshysy jetinshi saılanǵan QR Parlamentiniń Májilisin taratý jáne QR Parlamenti Májilisi depýtattarynyń kezekten tys saılaýyn taǵaıyndaý týraly Jarlyqqa qol qoıdy.
Májilis depýtattaryn kezekten tys saılaý 19 naýryzǵa belgilendi.
Odan bólek, Memleket basshysy barlyq deńgeıdegi máslıhattardyń ókilettigin toqtatý týraly Jarlyqqa qol qoıdy. Memleket basshysy Qasym-Jomart Toqaev Parlament Májilisi jáne máslıhat depýtattarynyń kezekten tys saılaýyn taǵaıyndaý týraly málimdeme jasady.
Foto: kisi.kz