Májilis saılaýy: Saýalnama nátıjelerin jarııalaýǵa tyıym salynady
21:03, 13 Naýryz 2023
ASTANA. QazAqparat – Erteńnen bastap 19 naýryzda ótetin Májilis saılaýyna oraı qoǵamdyq pikirge saýal salý nátıjelerin jarııalaýǵa tyıym salynady. Bul týraly Ortalyq saılaý komıssııasynyń tóraǵasy Nurlan Ábdirov aıtty, dep habarlaıdy QazAqparat tilshisi.
Komıssııa otyrysy barysynda tóraǵa 19 naýryzda ótetin Májilis saılaýynda 10 qoǵamdyq birlestik respýblıkanyń barlyq aýmaǵynda baıqaý júrgizetindigin eske salyp ótti.
«Sondaı-aq «Saılaý týraly» Konstıtýtsııalyq zańnyń normalaryna sáıkes, qoǵamdyq pikirge saýal salý nátıjelerin, saılaý nátıjeleriniń boljamdaryn, saılaýǵa baılanysty ózge de zertteýlerdi jarııalaýǵa daýys berý kúnine deıin 5 kún ishinde jáne daýys berý kúni ınternet jelisinde kandıdatty jaqtap ne qarsy daýys berýge jol berilmeıtindigine nazar aýdartqym keledi. Osylaısha, búgin, ıaǵnı 13 naýryz saýal salý nátıjelerin jarııalaýdyń sońǵy kúni. Erteńnen bastap saýal salý týraly aqparatty jarııalaýǵa, sondaı-aq qaıta basyp shyǵarýǵa tyıym salynady», - dedi Nurlan Ábdirov.