Májilis saılaýy: EQYU-dan Qazaqstanǵa 400-den astam baıqaýshy keledi

ASTANA. QazAqparat – BAQ ókilderiniń qatysýymen ótken brıfıngide Syrtqy ister mınıstriniń orynbasary Roman Vasılenko aldaǵy saılaýǵa Eýropadaǵy qaýipsizdik jáne yntymaqtastyq uıymynan 400-den astam baıqaýshy keletinin aıtty, dep habarlaıdy QazAqparat tilshisi

«Eýropadaǵy qaýipsizdik jáne yntymaqtastyq uıymynan 400-den astam baıqaýshylar aldaǵy parlamenttik saılaýdy baıqaý úshin Qazaqstanǵa keledi. Aıta ketý kerek, bul halyqaralyq baıqaýshylardyń eń úlken mıssııasy. Ótken aptada EQYU Mıssııasynyń aralyq esebi shyqty. Halyqaralyq sarapshylar Qazaqstanda júzege asyrylyp jatqan saılaý júıesiniń reformasyna oń baǵa berip, onyń keıbir erejeleri aldyńǵy usynystarǵa jaýap beretinin atap ótken», - dep málim etti Roman Vasılenko.

Brıfıng barysynda Syrtqy ister mınıstriniń orynbasary aımaqtaǵy geosaıası jaǵdaıǵa baılanysty kóptegen eýropalyq kompanııalar bizdiń elge kelýge nıet bildirip jatqanyn aıtty.

Sonymen birge mınıstrdiń orynbasary byltyr Qazaqstan men Eýropalyq odaq arasyndaǵy ózara taýar aınalymy 27,6%-ǵa ósip, 40 mlrd dollarǵa jetkenin atap ótti.