Májilis pen máslıhat saılaýyna bólinetin 33,4 mlrd teńge qaıda jumsalady?

ASTANA. QazAqparat – Qarjy mınıstrligi Májilis pen máslıhat saılaýyna bólinetin 33,4 mlrd teńgeniń qaıda jumsalatynyn aıtty, dep habarlaıdy QazAqparat tilshisi.

«Saılaýdy ótkizýge bólingen qarajat týraly buryn aıtylǵan aqparatqa qosymsha kelesini habarlaımyz.

2023-2025 jyldarǵa arnalǵan respýblıkalyq bıýdjettiń jobasyn Parlamentte qaraý barysynda Májilis jáne barlyq deńgeıdegi máslıhat depýtattarynyń saılaýyn ótkizýge 2023 jylǵa 33,4 mlrd teńge somasynda shyǵystar qarastyryldy (buǵan deıin bıýdjet jobasynda 2025 jylǵa qarastyrylǵan)», - delingen mınıstliktiń baspasóz qyzmeti usynǵan málimette.

Vedomsvto málimetine súıensek, bul qarjy:

- saıası partııalardan partııalyq tizimder boıynsha;

- bir mandatty aýmaqtyq saılaý okrýgteri boıynsha jańa aralas saılaý júıesin engizýdi eskere otyryp eseptelgen.