Májilis pen máslıhat arasynda baılanys nyǵaıady

ASTANA. QazAqparat – Máslıhat depýtattaryn Májilistegi jumys toptaryna tartý jalǵasady. Bul týraly QR Parlamenti Májilisi men AMANAT partııasynyń tóraǵasy Erlan Qoshanov partııa atynan saılanǵan máslıhat depýtattarynyń respýblıkalyq forýmynda aıtty, dep habarlaıdy QazAqparat tilshisi.

«Endi, Májilis pen Máslıhattardyń baılanysy týraly. Májilis pen Máslıhattar juptasyp, pármendi jumys isteýi tıis. Ol úshin ózara baılanysty barynsha nyǵaıtamyz. Birinshiden, Májilis fraktsııasyndaǵy zań jobalary mindetti túrde óńirlik fraktsııalarda talqylanýy qajet. Ekinshiden, óńirdegi depýtattar ózekti máselelerdi jıi kóteredi. Sondyqtan, biz máslıhat depýtattaryn Májilistegi jumys toptaryna, partııalyq alańdar men jobalarǵa belsendi túrde tartyp jatyrmyz. Bul tájirıbe jalǵasady», - dedi ol.

Erlan Qoshanov osy forýmǵa daıyndyq kezinde arnaıy saýalnamalar júrgizilgenin atap ótti.

«Onda Májilistiń, qoǵamdyq keńester men fraktsııalardyń qatysýymen ortalyq apparatta aǵylymdama uıymdastyrý máselesi jıi kóterildi. Jaqsy úrdis, buny men qoldaımyn. Partııalyq menedjment akademııasyna osy jumysty jedel qolǵa alýdy tapsyramyn», - dedi partııa tóraǵasy.