Májilis N. Nyǵmatýlındi spıker qyzmetinen bosatty

ASTANA. QazAqparat - Búgin Parlament Májilisiniń jalpy otyrysynda palata depýtattary Nurlan Nyǵmatýlındi Májilis Tóraǵasy qyzmetinen bosatty.

«Ózderińizge belgili, Memleket basshysynyń senim bildirýine oraı, men QR Prezıdenti Ákimshiliginiń basshysy qyzmetine taǵaıyndaldym. Osyǵan oraı, palata depýtattarynyń aldyna meni spıker qyzmetinen bosatý týraly usynys qoıamyn», - dedi jıyn barysynda eks-spıker N. Nyǵmatýlın.

Atalmysh usynysty Májilis depýtattary bir aýyzdan qoldap daýys berdi.

Buǵan deıin habarlaǵanymyzdaı, Nurlan Nyǵmatýlın QR Prezıdenti Ákimshiliginiń Basshysy bolyp taǵaıyndalǵan bolatyn.