Májilis kvazımemlekettik sektordaǵy satyp alý týraly zań jobasyn Senatqa jiberdi
Qujatty Májilistiń ekonomıkalyq reforma jáne óńirlik damý komıtetiniń múshesi Abılfas Hamedov tanystyrdy.
Depýtat atalmysh qujat Prezıdent Qasym-Jomart Toqaevtyń 2020 jylǵy 1 qyrkúıektegi Qazaqstan halqyna Joldaýyn iske asyrý jónindegi Jalpyulttyq is-sharalar jospary aıasynda ázirlengenin atap ótti.
«Zań jobasy 2021 jyldyń 17 naýryzynda birinshi oqylymda maquldanǵan bolatyn. Ekinshi oqylymǵa daıyndaý kezinde alǵashqy oqylymda depýtattar qosqan túzetýler eskerildi. Zań jobasynyń kúshi júrmeıtin oqıǵalardyń túbegeıli tizimi jasaldy. Kvazımemlekettik sektor nysandaryndaǵy memlekettik satyp alýlarǵa shaǵym túsirgen ótinish berýshilerge jaýap berýdiń naqty merzimi qaıta qaraldy. Tapsyrys berýshiniń áleýetti jetkizýshiden konkýrs qujatyn ótkizip, ashqannan keıin qosymsha qujattar talap etýine tyıym salý, «satyp aýlardy uıymdastyrýshy» deıtin uǵym engizý, satyp alýlardyń senimsiz qatysýshylarynyń tizimin qalyptastyrý, ýákiletti organdy kvazımemlekettik sektordyń jekelegen nysandaryndaǵy satyp alýlar kezinde eldegi barlyq zańnamanyń saqtalýyn qadaǵalaýshy retinde bekitý týraly usynystar qaıta qaraldy», - dedi depýtat.
Abılfas Hamedov qujatta jetkizýshilerdiń múddesin qorǵaý úshin oryndalǵan kelisimsharttar boıynsha jetkizý aqysyn 30 jumys kúniniń ishinde tolyq tóleý kerek degen merzimdi bekitilgenin atap ótti.
«Sondaı-aq, áleýetti jetkizýshilerdi erejelermen satyp alýǵa qatysýdn shekteýdiń jolyn kesildi. Munyń bári zań deńgeıinde aldyn ala oılastyryldy.
Bul zań jobasy boıynsha jumys toby 15 otyrys ótkizdi. Depýtattar engizgi 155 túzetýbarlyq múddeli organdar men uıymdardyń qatysýymen jan-jaqty talqylandy», - dedi komıtet múshesi.
Zań jobasyn daýysqa salǵan depýttar qujatty ekinshi oqylymda tutastaı maquldap, Senatqa jiberý týraly sheshim qabyldady.