Májilis kóshpeli otyrysta terrorızm jáne ekstremızmmen kúres máselesin talqylaýda
Elimiz boıynsha alǵashqy terrorlyq akt 2011 jyldyń shilde aıynda Aqtóbe oblysynyń Temir aýdany, Shubarshı aýylynda tirkeldi. Al ótken jyly 5 maýsymda halyqty úreıde ustaǵan taǵy bir qaıǵyly oqıǵa boldy. Qazirgi ýaqytta Májilis qoldanystaǵy zańnamalardy jetildirý baǵytyndaǵy jumystarmen shuǵyldanyp otyr. Bul jumysta ár adamnyń oıy men pikiri, usynysy mańyzdy. Sondyqtan Májilistiń kóshpeli otyrysy Aqtóbede ótip jatyr. Otyrysqa QR Parlament Májilisiniń tóraǵasy Nurlan Nyǵmatýllın, Din isteri jáne azamattyq qoǵam mınıstri Nurlan Ermekbaev pen Bas Prokýratýra, Ulttyq qaýipsizdik komıtetiniń ókilderi qatysty.
«Ekstremızm, terrorızmmen kúres baǵytynda qabyldanǵan zańnamalardyń oryndalýyn talqylap, aldyn-alý jumystaryn pysyqtaý maqsatymen keldik. Aqtóbe oblysyna kezdeısoq kelgen joqpyz. Bir jyl buryn bul jerde terrorlyq akti boldy. Sol kezde qabyrǵasy qaıyspaǵan qazaq qalmady. Sodan keıin birneshe zańnamaǵa ózgertýler men tolyqtyrýlar engizilgeni belgili. Máselen, qarý aınalymyna baqylaýdy kúsheıtip, qaýipsizdik nyǵaıdy. Aldyn-alý baǵyty da mańyzdy. Áli de memlekettik, azamattyq qoǵamnyń usynystary qabyldanyp jatyr», - Májilistiń Halyqaralyq ister, qorǵanys jəne qaýipsizdik komıtetiniń tóraǵasy Máýlen Áshimbaev.