Májilis kepildendirilgen transfertke qatysty qujatty maquldady
10:36, 21 Qazan 2020
NUR-SULTAN. QazAqparat – Parlament Májilisiniń jalpy otyrysynda «QR Ulttyq qorynan 2020 – 2022 jyldarǵa arnalǵan kepildendirilgen transfert týraly» QR Zańyna ózgeris engizý týraly» zań jobasy maquldandy, dep habarlaıdy QazAqparat tilshisi.
«2020 jylǵa arnalǵan naqtylanǵan respýblıkalyq bıýdjet týraly» Qazaqstan Respýblıkasy Prezıdentiniń 2020 jylǵy 8 sáýirdegi Jarlyǵymen Ulttyq qordan kepildendirilgen transferttiń mólsheri 4 trln 770 mlrd teńge somasynda aıqyndaldy. Zań jobasynda 2020 jyl boıynsha osy somany qoldanystaǵy kepildendirilgen transfert týraly zańda kórsetý kózdeledi», - dedi Ulttyq ekonomıka mınıstri Rýslan Dálenov.