Májilis qazaqy tazy men tóbet tuqymyn saqtap, kóbeıtý týraly zań jobasyn maquldady
Qujat Qazaqstannyń keıbir zańnamalyq aktilerine qazaqy ıt tuqymdaryn saqtaý jáne ósimin kóbeıtý máseleleri boıynsha ózgerister men tolyqtyrýlar engizýdi kózdeıdi.
Parlament Májilisi Ekonomıkalyq reforma jáne óńirlik damý komıtetiniń múshesi Ámirhan Rahymjanovtyń aıtýynsha, zań jobasynyń negizgi maqsaty – ıtterdiń ulttyq tuqymdaryn saqtaý jáne ósimin molaıtý salasyndaǵy qyzmetti júzege asyrýdyń quqyqtyq, uıymdastyrýshylyq jáne ekonomıkalyq negizderin belgileý.
Ózgerister men tolyqtyrýlar «Janýarlar dúnıesin qorǵaý, ósimin molaıtý jáne paıdalaný týraly» jáne «Qazaqstan Respýblıkasyndaǵy memlekettik áleýmettik tapsyrys, strategııalyq áriptestikti iske asyrýǵa arnalǵan memlekettik tapsyrys, úkimettik emes uıymdarǵa arnalǵan granttar jáne syıaqylar týraly» Qazaqstan Respýblıkasynyń zańdaryna engizilip otyr.
«Sondaı-aq, zań jobasynda memlekettik saıasatty iske asyrý, ıtterdiń ulttyq tuqymdaryn saqtaý jáne ósimin molaıtý salasyndaǵy normatıvtik quqyqtyq aktilerdi bekitý, ıtterdiń ulttyq tuqymdarynyń esebin júrgizý boıynsha monıtorıngti júzege asyrý jónindegi ýákiletti organnyń quzyreti belgilengen», - dedi komıtet múshesi.
Atalǵan zań jobasyn iske asyrý úshin 1,4 mlrd teńge qarajat kerek degen esep bar.
Eske salsaq, tamyz aıynda qazaqy tazy men tóbetti saqtaý máselesin Prezıdenttiń Іs Basqarmasy qolǵa alǵany habarlanǵan.
Foto: mydog.press