Májilis Qazaqstan men AQSh arasyndaǵy áýe qatynasy jónindegi qujatty qaraıdy

NUR-SULTAN. QazAqparat – Parlament Májilisi «Qazaqstan Respýblıkasynyń Úkimeti men Amerıka Qurama Shtattarynyń Úkimeti arasyndaǵy áýe qatynasy týraly kelisimdi ratıfıkatsııalaý týraly» zań jobasyn qaraıtyn bolady. Bul týraly palatanyń jalpy otyrysynda málim boldy, dep habarlaıdy QazAqparat tilshisi.

«Zań jobasy «ashyq aspan» ustanymdaryn qarastyrady. Onyń aıasynda taraptar áýe kóligi saparlaryn tasymaldaýshylar sany, reıster jıilikteri boıynsha shekteýsiz oryndaı alady. Bul kelisim syrtqy kóliktik qol jetimdikti arttyrýǵa, halyqaralyq áýe baǵdarlardyń geografııasyn keńeıtýge yqpal etedi», - dedi Májilistiń Ekonomıkalyq reforma jáne óńirlik damý komıtetiniń tóraǵasy, depýtat Albert Raý.

Osy oraıda depýtat palata komıteti atalǵan zań jobasy boıynsha qorytyndy ázirleýge daıyn ekenin atap ótti.