Májilis katolık shirkeýi qyzmetshilerine qatysty qujatty qabyldady

ASTANA. QazAqparat – Búgin Májilistiń jalpy otyrysynda «1998 jylǵy 24 qyrkúıektegi Qazaqstan Respýblıkasy men Qasıetti Taq arasyndaǵy Ózara qatynastar týraly kelisimge Qosymsha kelisimdi ratıfıkatsııalaý týraly» Zańy qabyldandy, dep habarlaıdy QazAqparat tilshisi.

«Bul kelesimge byltyr Rım Papasy Frantsısktiń Qazaqstanǵa sapary kezinde qol qoıyldy. Atalǵan shart aıasynda katolık shirkeýi qyzmetshileriniń sanatyn (arhıepıskop, epıskop, apostol ákimshisi, dinı qyzmetker jáne basqalarynyń), tıisti sýbektilerdi (Arhıeparhııa, Eparhııa, monastyr, semınarııa) jáne quzyretti organdardy (shirkeý qyzmetshileri, katolık shirkeýiniń basshylary) naqtylaıdy», - dedi QR Іshki ister mınıstri Marat Ahmetjanov.

Sonymen qatar mınıstr olardyń turaqty turý tártibi jeńildeıtinin aıtty.

«Atap aıtqanda, bank shotynda aqsha bolýyn (1320 aılyq eseptik kórsetkish – 4,5 mln teńge) jáne turatyn jerin rastaý týraly talaptar alynyp tastalady. Olardyń ornyna Katolık Shirkeýiniń jazbasha rastaýy jetkilikti bolady. Atalǵan usynystar konfessııaaralyq kelisimdi nyǵaıtýǵa, halyqaralyq deńgeıde elimizdiń quqyqtyq memleket retinde abyroıyn arttyrýǵa septigin tıgizedi dep esepteımiz», - dedi mınıstr.