Májilis qaraýyna TMD aýmaǵynda birlesken jedel-tergeý toptaryn qurý týraly kelisim shyǵarylady

ASTANA. QazAqparat - Búgin Májilis Spıkeri Baqtyqoja Іzmuhambetovtiń tóraǵalyǵymen Májilis bıýrosy ótti. Bıýro otyrysynda aldaǵy jalpy otyrystyń kún tártibi bekitildi. Bul týraly Májilistiń baspasóz qyzmetinen habarlandy.

Bıýro usynysyna sáıkes, halyq qalaýlylarynyń talqysyna «Táýelsiz Memleketter Dostastyǵyna qatysýshy memleketterdiń aýmaqtarynda birlesken jedel-tergeý toptaryn qurý tártibi jáne olardyń qyzmeti týraly kelisimdi ratıfıkatsııalaý týraly» zań jobasy shyǵarylady.

Bul kelisim 2015 jylǵy 16 qazanda Býrabaı kentinde jasalǵan. Onda Taraptardyń quzyretti organdarynyń is júrgizýindegi dáleldemelerdi usyný ne protsestik áreketterdi jáne jedel-izdestirý is sharalaryn júrgizý qajet bolatyn qylmystyq ister boıynsha ózara baılanysty qylmystardy ashý jáne tergep tekserý úshin taraptardyń aýmaqtarynda birlesken jedel-tergeý toptaryn qurý qarastyrylady.

Kelisimde olardyń qyzmeti jáne qyzmetin toqtatý máselelerin retteý qamtylyp otyr. Kelisim ratıfıkatsııalanǵan jaǵdaıda ony iske asyrý teris áleýmettik -ekonomıkalyq jáne quqyqtyq saldarǵa ákep soqtyrmaıdy, sondaı-aq, respýblıkalyq bıýdjetten qosymsha shyǵyndardy talap etpeıdi.