Májilis depýtaty Zákirjan Kýzıev qant máselesin sheshýdiń jolyn usyndy
Halyq qalaýlysynyń pikirinshe, júgeriden óndiriletin suıytylǵan qantty zaýyttarǵa usynsa, halyq arasynda qantqa degen suranys sál de bolsa báseńdeıdi.
«Júgeriniń quramynda 78 paıyz qant bar. Ekinshiden, kórshiles Túrkııadan bastap, Eýropa elderiniń 80 paıyzy qantty júgeriden alady. Al shekerdi qant qyzylshasynan alý shyǵynǵa shash etekten batyrady. Qazaqstan boıynsha bir jyldyń ishine 500-550 myń tonna qant qajet. ıAǵnı, 500 myń tonna qanttyń 350 myń tonnasy zaýyttarǵa ketedi. Sýsyn, tátti ónim shyǵaratyn zaýyttar qumshekerdi tutynady. Al eger zaýyttar sheker emes, júgeriden óndiriletin suıytylǵan qantty qoldanatyn bolsa, elimizde qant máselesimen dál mundaı problema bolmaıtyn edi. ıAǵnı, zaýyttar kúndelikti dastarhanda turatyn qantty suıytylǵan qantpen almastyrý kerek», - dedi QR Parlamenti Májilisiniń depýtaty Zákirjan Kýzıev Jetisý oblysyna sapary barysynda.
Al endi elimizde júgeri ósirýdi qolǵa alý úshin sharýalarǵa qoldaý qajet. Máselen, júgerini kóptep ósiretin Jarkent óńiri sharýalarynyń basty problemasy - sý tapshylyǵy.
«Birinshi problema - sý, bizdiń aýdanda sý az. Úkimet sý máselesin sheship berse, sýbsıdııa berse, sodan keıin ósirgen júgerimizdi qymbatyraq qabyldasa», - deıdi Jarkenttegi sharýa ıesi Seıfýl Jumanov.
Aıta keteıik, elimiz qanttyń 30-35 paıyzyn ǵana óndiredi. Onyń basym bóligi Jetisý oblysynan shyǵady. Al qalǵan 70 paıyzy ózge elderden jetkiziledi.
«Eger qant máselesin ózge elderdiń tájirıbesine súıenip sheshpeıtin bolsaq, onda tek ımportqa táýeldi bolamyz deıdi», depýtat Kýzıev.