Májilis depýtaty B.Smaǵul elorda jastarymen kezdespek (FOTO)
18:00, 14 Sáýir 2015
ASTANA. QazAqparat - 17 sáýir kúni L.Gýmılev atyndaǵy Eýrazııa ulttyq ýnıversıtetinde «Ádebıet portaly» men «Tulǵataný» jobasynyń uıymdastyrýymen QR Parlamenti Májilisiniń depýtaty, «Qazaqstan ardagerleri» qaýymdastyǵynyń tóraǵasy, aqyn Baqytbek Smaǵulmen kezdesý keshi ótedi.
Ulttyq qundylyqtardy únemi nasıhattap júretin, asqaq rýhty tanymal tulǵamen bolatyn kezdesý barysy erkin dıalog retinde órbıdi. Stýdentter men kesh qonaǵy arasynda ulttyq rýh, otanshyldyq, ar, namys, erlik, memleketshil bıik sana sekildi ózekti taqyryptar qozǵalady.
El úshin qabyrǵadan qan keship, qas mańdaıyn qarysy boraǵan oqqa tosqan qas batyrlyq týraly áńgimeler aıtylyp, Baqytbek Smaǵuldyń patrıottyq taqyryptaǵy óleńderi oqylady. Qazaq handyǵynyń 550 jyldyǵy men Uly Jeńistiń 70 jyldyǵyna oraılas kelip otyrǵan is-sharaǵa halyq arasynda orasan qara kúshimen tanylyp júrgen balýandar men Astanada turatyn belgili aqyndar, óner juldyzdary qatysady dep kútilýde.