Májilis depýtattyǵyna QHA atynan usynylǵan kandıdattar saılaý qoryn qurmaıdy
«Kandıdattarmen saılaý qory qurylmaıdy. Olarǵa bıýdjetten 630 myń teńge kóleminde qarajat bólinedi. Onyń syrtynda ózge kózderden qarjy tartýlaryna ruqsat berilgen. Olar sonymen qatar QHA múshelerimen birge úgit-nasıhat jasaı alady, sebebi 21 naýryzda olardy QHA-nyń 446 múshesi saılaıtyn bolady», - dedi T. Ohlopkova tilshilerdiń saýalyna jaýap berý kezinde.
Bunyń aldynda habarlaǵynymyzdaı, 2016 jylǵy 6 naýryzda Qazaqstan halqy Assambleıasy saılaıtyn Parlament Májilisiniń depýtattyǵyna kandıdattardyń saılaý aldyndaǵy úgiti bastaldy, ol 2016 jylǵy 19 naýryz kúni saǵat 24:00-de aıaqtalady.
2 naýryzda QR OSK Qazaqstan halqy Assambleıasy saılaıtyn Qazaqstan Respýblıkasy Parlamenti Májilisiniń depýtattyǵyna kandıdattardyń úgit jumysyna respýblıkalyq bıýdjet qarajatynan qarjylandyrylatyn shyǵystarynyń mólsherlerin bekitti.
Teledıdar boıynsha saılaýaldy baǵdarlamamen shyǵýǵa árbir kandıdatqa 139000 teńge bólinedi; baǵdarlamamen radıoda baǵdarlamamen shyǵýǵa - 82000 teńge, baspa basylymdarynda eki maqala jarııalaýǵa - 178000 teńge; saılaýshylarmen kezdesýler úshin úı-jaıdy jalǵa alýǵa - 33000 teńge; úgittik baspa materıaldaryn basyp shyǵarýǵa - 66000; kóliktik shyǵystarǵa - 132000 teńge.
T. Ohlopkova, Qazaqstan halqy Assambleıasy saılaıtyn Parlament Májilisiniń depýtattyǵyna kandıdattardyń buqaralyq aqparat quraldaryna kedergisiz jáne teń qol jetkizýine saılaý zańnamasy kepildik beretinin atap ótti.
BAQ tirkelgen barlyq kandıdattarǵa efır ýaqyty men baspasóz betinen oryn berýde teń jaǵdaılar jasaýy tıis.
Kandıdattardyń barlyq úgittik baspa materıaldarynda sol materıaldardy shyǵarǵan uıym, olar basylǵan jeri men taralymy, tapsyrys jasaǵan tulǵalar, qandaı qarajattan tólengendigi týraly málimetter bolýǵa tıis.
Ygittik baspa materıaldaryn Qazaqstan Respýblıkasynyń aýmaǵynan tysqary jerlerde daıyndaýǵa, anonımdik úgit materıaldaryn taratýǵa tyıym salynady.